Chin Ramkulh Ramri In Long Mi Ngaihsak A Hlawh Lo; Workshop on Chin Territory Ah Rel Khawm

Chin Ramkulh ramri nor mi thuhla cu January 11 ihsin ni 12 tiang, ni hnih sung, Chin ramkulh tlangbawi upa le Chin vantlang pawlkom 12 lenglo pawl in Kalay an rel khawman annei. An thurelkhawmnak cu ‘Workshop on Chin Territory’ tin an koi h Chin ramkulh ramri nekcepnak ah hmalaknak neih ding khal an tum. Chin ramri an nor ciip vivo mi thu hla buaipi tu ngaingai hi an um hrih lo ih, Chin tlangbawi pawl ih ngaihsak khal a hlawh hrih lo zet.

APDF le MADG ih inntek ṭuanvo laknak in tuah mi hi Ramri thuhla workshop ah hin Chin State le Sagaing, Magway, Rakhine ramri tluan ih Chin ramkulh ri an nor mi pawl zingzoi suak ih a nor kirsal dan ruahrel khawmnak an nei. 2010 ih ruangzing mi UTM map sungah tuih Chin ramkulh le a kiangkap ramkulh, ramtthen pawl karlak ramri pawl cu Chin ramkulh nekrawk zetin ruangzing mi a um ruangah, Chin ramkulh kilhimnak hrang hmuitinin tuah mi workshop a si. Chin ramkulh ramri pawl a kel vek teih ngah kir sal ding khal hmalnak neih an tum tiah thu kan dong a si.

Hi workshop ah Tedim, Tonzang, Falam, Kampalet le Lairawn ihsin zatlang pawlkom a simi Open Development Foundation, Tonzang youth Association, Tedim Youth Fellowship, Falam Mino Pawlkom, Kindness Youth Organization, Zomi Media Council, Chinland Natural Resources Watch Group, United Zo Organization, Rights and Peace, Helping Hands Organization, Mwetaung Area Development Group, Area Peace and Development Forward (Laizom Forward), ramri tluanih a um mi khaw hrekkhat hotu pawl, Chin State Hluttaw palai Pu Thawng Khaw Mang, Dr. Pau Za Cin Hai, Chin State Hluttaw Legislative Committee Chairman Pu Suan Do Cin le thuanthu theitu upa hrekkhat pawl an tel.

Chin State ramri hi 1895 ah Miuk ramri tiin Mirang pawlin an rak zuk dah. British acozah in 1038 October 19 ni ah ramri lungphun pawl khiah felnak thusuah an rak tuah. Socialist acozah hnuaiah U Ni Win in 1984 ahkhan nasate’n a rak nor bet. 2008 Daanhrampi nemhnget a si hnu 2010 kumih tuah mi UTM map sungah cun Sagaing, Maggway le Rakhine ramkulh tluan ih Chin ramkulh ramri cu nasa zetin nor bet an si. UTM map hi acozah zung tam sawn cun kutkaih ah an hmang hrih lo nan, thuthiam zet le thinlung nei zetih tuah thup mi map a si tiah Chin zatlang hruaitu pawlin an hmu.#

Comments

comments

Comments

%d bloggers like this: