Chin Ramkulh Pehtlaihnak Pawl Theihpinak Umlo In Telenor In Phone Ban Sak

Chin Ramkulh Pehtlaihnak Zung

Chin Ramkulh Pehtlaihnak Zung

Salai Lal Nun Uk

Hakha: Chin ramkulh ah Telenor in phone banṭhuam a sak rero nan Chin ramkulh pehtlaihnak zung fehtlang in hna an tuan lo ruangah, Chin ramkulh pehtlaihnak lam cun zianghman an theihpi velo. Asinan rampi acozah le ramdingkhawm pawl ih lungkimnak ih an tuah mi a si.

Hakha peng Chuncung le Hakha kar lak lamzin sir ih Telenor phone banthuam an sak theh mi June ni 1.

Hakha peng Chuncung le Hakha kar lak lamzin sir ih Telenor phone banthuam an sak theh mi June ni 1.

2015 kum ihsin thok Chin ramkulh ah Telenor in phone ban thuam an bun thok rero. Tutak fang ah hmun thenkhat ah leiram an lei theh zo ih ban thuam sak ding lawng an hmabaaknak le ban thuam an sak theh zomi pawl khal an um. Asinan hi tiih Telenor ih hnatuannak thu ah Chin ramkuklh pehtaihnak zung lam pawl fehtlang in zianghman an tuah lo ruangah Chin ramkulh Pehtlaihnak lam ihsi cun zianghman an theih pi ve lo.

‘Himi thu ahcun zianghman ka theilo’ tiin Chin ramkulh Pehtlaihnak Manager cun a sim.. ‘Ramdingkhawm cozahpi thawn lungkim ih an tuahmi a si ih kannih in zianghman hnaihnok theinak kan nei lo. Cun mipi hrang pehtlaihnak tha ding ih tawlrel an si tikah lungawi te’n kan hmuak men mi si. Sinan thuhla in simthei lo hi cu kei mai’ hrang khal ah upa pawl in thu in sut tikih ka thei lo vun ti hi nuam ka ti lo. Tucu kanmah rori in fangṭil fuan sar bang in data ka sar vivo” ti ah Chin ramkulh pehtlaihnak zung ih upa pakhat cun CT media hnenah a sim.

“Hmun dangah cun ramkulh zung hman rel lo, peng pi zung hman in company pawl ih data pawl in sim thei si. Tucu ramkulh cozah ziang an siar lo vek tla a bang. Ramkulh pakhat cun amai ramkulh sung ummi thuhla a thlengmi pawl amai’ hnen ih thleng theh ding a si nan. Khatlam zawng ih kan sim a si le ramkluh cozah thuneihnak a mal tuk ti tla’n kan sim thei” tiah Hakha khua tualsung um mi pakhat in a sim.

Tedim le Tonzang peng ah banthuam(5), Hakha peng sungah banthuam(2) le Matupi peng ah khal phone banthuam an sak rero. Hi thuhla thawn pehpar in Telenor company ih tuanvo neitu pawl phone in call rero a si nan pehtlaih theih a si lo.#

Comments

comments

Comments

%d bloggers like this: