Chin Ramkulh Lamzin Tuahṭhatnak ah JICA in Cet 100 Lenglo Pe Ding

Šianglianuk Ķianghrol

Japan International Cooperation Agency cun lamzin tuahṭhatnak hrangah Chin ramkulh cozah hnenah cet 100 lenglo pekhlannak a neih ding thu Chin Ramkulh Lamzin Pehtlaihawknak Tlangbawi Pu Sui Thio in a sim.

Ramkulh cozah thawn lungkim tlangnak vekin JICA in cet 102, a phun zawng in phun 20, cu ramkulh cozah hnenah June 4 ahkhin pekhlannak nei ding ih tawlrel a si thu PU Sui Thio cun a sim.

“Chin ramkulh ih lamzin an ra hliakhlai ih, ziangvek cet hman a ttha ding timi zoh in, cet 100 lenglo a lak ih in bom ruangah Japan ram mipi parah kan lung a awi. Cuitlun ah cet hman dan ding khal in zirh,” tiah Pu Sui Thio in a sim.

JICA hin lamzin tuahnak cet hleiah, lei min lo ding ih khamnak tuah tikah an hman ttheu mi cet tumpi pawl khal a pe tel ding. Cet thilri hmandan ding khal Japan miphun mithiam pawl in an ra zirh hai.

“Lamzin harsatnak hmun hrangah lamzin tuahtthatnak cet in bom ruangah sim rual lo in ka lung a awi. An pekhlan mi cet pawl khal Chin ramkulh pumpi in rualrante’n an hman ding ka duh. A kilkhawi lam khal ah tthatei’ kilkhawi in, hnattuannak khal ah dik zet in, ramkulh pumpi ih hmakhua zoh ih an ttuan ka beisei,” tiah Kanpetlet ih ramkulh tlangsuak palai Pu Phe Ar in a sim.

Hram: The Voice

(Visited 135 times, 1 visits today)

Comments

comments

Comments

%d bloggers like this: