Chin Ramkulh Ih Phun 10 Ong 6D Ngahtu Umsun Salai Thian Pum Le CT Media

11188293_105335949799429_8072767068393673314_n

Salai Thian Pum

Chin mi hminṭha tertu Chin tlangval note, Salai Jimmy Thian Pum hi 2014-15 Myanmar rampi phun 10 camibuai tuahnak ah, Chin ramkulh ihsi zirlai zate Distinction ‘D’ ngah thluh theitu umsun a si.

Chinland Today Media in Yangon a umnak hmun ah a zirlaiih a tumruhnak le a zuamnak pawl Chin mi ih theih dingin thusuhnak kan nei.

A suahpek ihsin a nu in pialral ram mawiah a liamsan. A pi le pu hnen ihsin tlawngkai a siih phun 9 a kai lai ihsin tumruhnak thawn ‘All D’ ngah thei dingin tumtahnak ruhzet rak nei zotu a si.

A pu te Victor Sang cun, ‘Pathian a ṭihzah, a zuamnak, pi le pu thusim a ngainak ruangah rori a si ko!, a zuamtuk’ tiin a ti.

A pa hi Falam zuknung cang hmaisabiktu “Duhdawtnak Mithli A Luang Mi” kum 1989 ih rak cangtu Salai Ngun Mang @ Lian a siih tuah USA ah a khawsa. 

Salai Jimmy Thian Pum le CT Media 

1510383_101963506803340_1774077016463087969_nThuhla tawi

Pa Hmin                : Ngun Mang (USA)

Nu Hmin               : Daw San San Aye (tleicia)

A U                         : Mai Doris Van Tha Sung (Monywa Institute of economics)

Suahni                  : June 1, 1999

Khua                      : Falam, Cinmual Veng

Chin rawl duh bik mi : Sabuti

CT Media = Chinland Today Media, TP = Thian Pum 

CT Media             :Phun 10 zirlai zate D ngah thei dingin ziangtlukin ca na zoh in na zuam?

TP                           :Aw! Hi ti vek in D thawn ka ong theinak ding in phun 9 ka kai lai ihsin, rauhmannak tam pi tuah cianak ka nei.

Ni khat ih kan zir mi, ni khat ṭheh ko ka zoh. Composition, letter leh essay tivek pawl kha zarhtin mahte theihruatnak (own idea) ten ka ngan ṭheu. Saya/mah pawl ih in zirh lai ah ṭhaten fiang thei ding in ka ngai.

Kei mah ten tla test ka tuah ṭheu. Cabu (Text) sungta lawng siloin, hlanlai ih an rak tuahzah mi thusuhnak (old –Q) pawl kha ngiattak in, tampin ka study theu.

Education Journal pawl tla ka man caan ah ka siar ṭheu ih, ṭhathnemnak tam pi ka hmu. A cang thei bik in ka tik cu caan pawl tlawng ca lam ah ka hmang ṭheh.

CT Media             : Ziang mi tumtahnak thawn hitin na zuam?

TP                           : Ram le miphun hrang ih rinsan tlak siibawi (doctor) si thei dingin ka zuam. Hi mi tumtahnak thawn si ko ka zuamnak san bik cu.

CT Media             : Na cazirnak  ziang mi si har na tibik?

TP                           : Haratnak ciamco cu ka nei tuk lo. Saya/Mah te pawl ih sim mi ṭhate ngai ahcun. Sinan ka dam lo caan hi har bik ka ti ko. Zirlai bu ahcun English hi a kau tuk ih a har bik in ka ruat ko.

11178237_103963679936656_5226236673414629495_nCT Media             : Phun hrek ihsin phun 10 tiang cathiam lamah, lawmman narak ngah dah maw?

TP                           : Phunhrek ihsin phun 10 tiang Pathian zangfahnak thawngin thiambik pa 1,2,3 ka ngah ṭheu ko. Phun 8 lai ah Mathematics thiam zuamawnak ah State huap in 1st ka ngah. Phun 9 le phun10 ah zatekom ih thiambik, filor cungcuang (ဘက္စံုပညာထူးခ်ြန္) vei hnih ka ngah.

CT Media             : Na duhduh lakthei ding dinhmun na siih ziangmi line na lak tum?

TP                           : Medical line ka lak tum.

CT Media             : Ziang mi thuhla lole, thil nih hitluk zuam thei dingin a lo ti phur?

TP                           : Ca siar nak ruang ah asiko..aa

CT Media             : Khawitawk ah zirbet vivo na tum?

TP                           : Tluangten um le cu Magwe ah si ko ding.

CT Media             : Kan ram zirnak hi ziangtin na ruat? Ramleng ah zir tul tengteng in na ruat maw?

TP                           : A tha ko tin ka ruat ko, Ramleng tengteng zir tul tin cu ka ruat lem lo.

CT Media             : Khawitawk tlawng pawlah na rak kai dah?

TP                           : Ka kainak tlawng pawl cu

  1. No.3 Basic Education Primary School [phunhrek in phunhnih]
  2. No.2 Basic Education Primary School [phunthum le phunli]
  3. No.2 Basic Education High School [phun 5 in phun 10 tiang]

CT Media        : Na pa hi Falam minta a siih a mah dungtlun ih minta si dingin na ruat awk dah maw!

TP                           : Ka ruat dah lem lo cu lam cu.

CT Media             : Na nu nih na sentet deuh laiin a lo thihsan ti kan rak theiih ziangtluk in na zirlai ah Na nu na hlam?

TP                           : Ka nu hi ka suak veten in thihsan cih. Si.. ka hlam ringringko. Thil ka tuah tik le ka nu um sehla tiin ka ti ringring theu. Sinan ka pi le pu hnenah ka um.

CT Media             : Na pi le pu khawitawk ah an um?

TP                           : Ka pu hi Pu Van Ceu a siih ka pi hi Pi Za Nei Cuai a si. Falam Cinmual veng ah an um.

CT Media             : Phun 10 All D ngah thei dingin zingmi a thupi bik tiah na ruat? Lole Ziang tin mi pakhat nih a zuam thei pei?

TP                           : Pathian tihzah, saya/ma te ih thulung le caan tha neih sun ah caan hmang thiam thupi tin ka ruat.

CT Media             : Ziangah Jimmy Wenger tin FB ah hmin na pek awk?

TP                           : Aww Jimmy cu ka mirang hmin si ih Wenger cu Arsenal fan ka si ruangah hehe

CT Media             :Na nunau uar Zawng? Fala na nei maw?

TP                           : Awww tu tiang cu ka nei hrih lo, kha lam ah caan ka pek ngah hrih lo. a tuan tuk lai in ka ruat hiii.

CT Media             : Ziangtin tlawngta a zuamlai mi pawl hnenah thazaang na pek duh? Thu dang sim bet duh mi na nei maw?

TP                           : Aw hiti vekin zum ban lo tiang, in thluasuahtu Pathian hnenah,  lungawinak tam pi ka nei. Ṭhehhnu hringtu ka nu le pa parah siseh in duhdawt tu ka pu/pi par ah siseh, in zirhtu ka saya/mah pawl zaten le thlacamnak in thazaang in pektu sungkhat unau, nu le pa, rual pi pawl parah tam pi lungawi nak ka nei a si.

Phun 10 a kai rero lai, a kai lai ding mi nau le pawl tla ding le fel te’n zuam hai uh, tin tha ka pek duh.

Hi ti vek in rak sut tu Chinland Today pawl par ah tla tam pi ka lung awi.

CT Media             : Kan lungawi….

(Visited 2,231 times, 2 visits today)

Comments

comments

2 Comments

  1. Thawng Thawng says:

    God Bless You…
    Chin miphun hmel mawitertu na si. Zuam sinsin aw.

  2. Ropi tuk, Pathian in hlawhtlinnak le sansaunak lo pe hram seh. Ka lo Lungawipi tuk

Comments

%d bloggers like this: