Chin ramkulh Falam Le Kalay Sun Zan Meisa Ngah Thei Ding

chin_stateVan Bawi Lian

Chin ramkulh, Falam peng le Kalay ramṭhen pawl hrang 2014-2015 ah meisa bunsak a si thlang ding tiin Myanmar rorel innpi cun sumpai hisapnak le riruang bunnak a nei.

Chin ramkulh meisa thuthawn pehpar in Pu Zun Hlei Thang, Amyotha Hluttaw Kusale cun ‘Hluttaw thok pekte ah Chin state khawpi zaten mei kan ngah ve theinak dingah le cetzung phun phun kan din ve theinak dingah maha-dat-aa-line (national power grid) in zomsak dingin ka rak dil ih a thu in ka rak hlawh tling’ tiah a sim.

Pu Zung Hlei Thang cun ‘Asinan 2014-2015 budget ah an telh nawnlo. Curuangah Chin ramkulh meisa ngah theinak ding hrang ah tuikum ah thuhla ka bur sal ih Pathian zarah ka hlawhtling’ tiin a sim bet.

Chin ramkulh le Rakhine ramkulh hmuahhmuah ah kum 2014 ihsin meisa vang thei thluh dingin meisa cettha bun a si ding thu rampi meisa thalam ṭuanvo neitu, tlawngbawi U Khin Maung Soe cun November 9 ni ah Rangoon khawpi ih meisa thuhla ṭuanvo neitu le cetzung lam thuneitu pawl an tonkhawm awknak ah a rak rel dah zo.

Falam le Taingen ih hrambung ding mi hrang ah 66/11kV, 2×15 MVA a si dingih sumpai ks 260000 cem veve ih tuah ding a si. Hakha-Falam-Taingen-Kalay-Kalewah ih tuah ding mi ahcun meisatha cahlam 66KV bun a si ding ih sumpai 900000 cem ih tuah ding mi a si.#

(Visited 1,079 times, 1 visits today)

Comments

comments

One Comment

  1. It is really good news. If it is not happening, will you blame the Hakha people again? I hope Surbung Tlang project will keep going as planned and Falam will receive power as the article says.

Comments

%d bloggers like this: