Chin Ramkulh Cozah In Zomual Khua Ih Siat Tongtu Innsang 2,900,000 MMK In Bawm

Siang Lian Uk

May 2, 2017 | Falam: Chin ramkulh Tlangbawi Hotu (Chief Minister) Salai Lian Luai le cozah ttuanvo neitu pawl in Zomual khua ih inn kang ruangah siat tongtu Pa That Nawn tei’ innsang cu 2017 May 2 sun ah vehvai in 2,900,000 MMK an bom thu theih a si.

Himi bomnak hi Chin ramkulh cozah in 1,500,000 MMK le Department of Social Welfare, Relief & Resettlement Department (လူမႈဝန္ထမ္း ကယ္ဆယ္ေရးႏွင့္ ျပန္လည္ေနရာခ်ထားေရး ဦးစီးဌာန) in 1,400,000 MMK ti’n an pek mi a si thu Chin ramkulh Sumcektu (Auditor) Pu Lal Tin mang in Chinland Today Media hnenah a sim.

Zomual khua ih Pa That Nawn tei’ inn hi 2017 April 30 zan ah a kang mi a si ih, an mo Nu Cung Hnem Thiam, an tupa nauhak pahnih, le Falam ihsin a ra tlawng mi an tunu cu meisa lakah an nunnak a liam.#

Comments

comments

Comments

%d bloggers like this: