Chin Ramkulh Chief Minister Thu Ah Mipi Lung Vaivuan

 

MP Zo Bawi, MP Lian Luai, MP Dr. Hmuh Thang

MP Zo Bawi, MP Lian Luai, MP Dr. Hmuh Thang

Kan rampi Myanmar hruaitu ding hrangih MP hmin pawl cu lalnak cotu NLD party in a tarsuak vivo thlang. Chin ramkulh hrang ih Chief Minister ding thu ah mipi pawl ih ruahdan le ruahsannak pawl a tham zet.

Tui ni tiang Chin ramkulh CM ding hi zo a si ding ti fiang ngaiin theih a si hrihlo. Hakha thuthang The Chinland Post ih a tarlangnak ahcun Chin Ramkulh Chief Minister ding ah Dr. Hmuh Thang an hril tiah titi lengvak a um tiah a tarlang. Dr. Hmuh Thang cu USDP party ihsin Chin ramkulh MP ih zuamtu a si.

Hi tiih USDP party lak mi minung hril ding vek ih thuhla um mi ah mipi pawl khawruah a ti danglam zet ding tiah zumnak a um. Asinan NLD hotu Aung San Suu Kyi in zo a ruat ding tihi theih a si ngaingai hrihlo.

Thuhla um dan mipi titi le thlirlawknak ahcun NLD ihsin zuamtu MP Pu Zo Bawi lole MP Pu Lian Luai ih tuan ding hi zum a um. Mipi pawl ih an zumnak san khal NLD kaihhruainak ih tuah mi ramkulh le pengthen hruaitu ding pawl thuzirhnak ah Chin ramkulh aiawh ih a fehtu an si ruangah a si. Chin ramkulh aiawh in NLD party ihsin mi pathum Hakha MP Pu Zo Bawi, Mindat MP Pu Aung Tan le Falam MP Pu Lian Luai pawl an si.

Asinan Hakha MP Pu Zo Bawi cu Chin ramkulh ihsi hluattaw hotu ah le Mindat MP Pu Aung Tan cu hotu sang an ruat ih nemhngetnak an hngak. Hi tiih NLD party ihsin mi pathum lakih pahnih ih canvo an neih zoh ruangah Falam MP Pu Lian Luai cu Chin ramkulh CM si dingin mipi ruahsannak ah tum zet in a umnak a si.

Kan ram Myanmar rorel inn pi a kaih hruai awknak daan ahcun Ramthen pawl ih Chief Minister pawl hi president in a mai duhmi pawl hnen ah a pek mi a si. Suu Kyi le rampi president tuan theilo dingin daan hrampi in a kham ih zo a tuan ding ti ruah har zazet a si hrih.#

(Visited 1,153 times, 1 visits today)

Comments

comments

Comments

%d bloggers like this: