Chin Ramkulh Ah Khualtlawng Tam Nan Licence Nei Hotel Pakhat Lawng Um

kanpalet hotel

Kanpalet khualbuk


Salai Lal Nun Uk

Chin ramkulh ah ramleng khualtlawng lut an karh nan Hotel/khualtlawngnak lam zung in licence a pekmi hotel hi pakhat lawng a si ruangah khualtlawng pawl hrangah an daih aw lo in harsatnak an tong.

Kanpalet lam ah hivek ih daihawk lonak a tam tiin Hotel le khualtlawngnaklam zunghrampi ih director U Myo Win Ngunt cun a sim. Chin ramkulh ah phurhsuksonak lam a thangso vivo nan pianphung tumawng hrambun khualtlawnnak a thanso a tul tiah a sim bet.

“Chin ramkulh ih ramleng khualtlawng feh pawl kum khat hnu kum khat an tam sinsin. Pianphung tumawng pawl zoh ding a tam. Mikhual lut an tam nan riahnak ding hotel an daih aw hrih lo. Himi hrangah kan zung in Chin ramkulh ah hotel licence kan pe bet vivo ding. Cun Rih tili, Zing Hmuh tlang le Bawipa tlang pawl hi khualtlawngtu hrang mi a hip theimi hmunhma an si. An sehvel ah hotel zone an tuah bet lai ko ding” tiah a sim.

Chin ramkulh Kanpalet ah Hotel/ khualtlawnnak lam ih a pek mi hotel licence hi pindan 27 tlem pakhat lawng a si ih cun si-pin licence thawn tuahmi hotel mal te a um thu, ramleng khualtlawng pawl hrang tumtah ih sakmi hotel pahnih a um thu a sim bet. #

(Visited 481 times, 1 visits today)

Comments

comments

Comments

%d bloggers like this: