Chin Ram Ah Daan Lo Ih Mivakvai Bengali 4 Kai 

Falam District, Tedim peng, Mualbem khua le lei dawh khua karlak ah daan lo ih ramsung a luttu Bengali (tiih zummi) mi 4 le bike in a phurtu 2 pawl cu January 30 zan ah an kaingah ih palik kut sungah an thlen ter zo tiin the Chinland Herald Daily News cun a tarlang.

Hi Bengali tiih zummi pawl phurtu hi Kalaymyo, Pinkhonegyi ih um Za Biak Lian le Hrin Za Kam an si tiah theih an si. An kaihmi pali pawl cu Rakhine ramkulh ihsi tlanmi an siih Butitang peng, Sintiba khua ihsi ra mi an si tiah theih an si. Nunau pawthum pawl cu Mawnura (kum21), Mawmina (kum 20), Shaungira (kum 19) le mipa Nukbi Islam (kum 19) an si.

Rih ihsin Kalaymyo lam pan ih an fehnak lam ih an kaih ngah mi an siih a liamcia ni 20 hrawng ah an umnak Butitang ihsin Mizoram ah luttin, Rihkhawdawr le Tio ih lilawn pawl cu hrialin an tlanih cutin Kalay Set-hmuh zone lamzi pi pial tiang phur aw dingin hitin Bike thawn an feh mi a si.

Hi ramdang mi daan lo zet ih ramsung lupi dingih a tawlreltu cu kaihngah an si hrihlo tin thuhramlaknak cun a tarlangih, zo pehtlaihnak an nei ih hitin Kalay lam panin an feh timi pawl khal an zingzoi rero lai titla in thu don a si.

Bike ih a phurtu pahnih pawl in an phurh man ah KS 80000 an ngah ding timi le Kalay an thlen hnu lawngah paisa khal pek ansi ding timi lawng an thei. Bengali pawl ih An feh dan tlangpi cu Kalay ihsin Monywa ah lut in Malaysia lam an pan theu tiah theih an si.

Rakhine ramkulh sungih umtu Bengali mi pawl cu Myanmar rampi daan vekin Rakhine Ramkulh lawng ah um theinak an neiih hmundang ah khualtlawng in an um thei lo. Hi tiih daan tuahsak an sinak khal Myanmar ram mi sinak an nei hrih lo ih hlei ah ramhrin miphun sinak co thei ding ih dilnak an tuah rero lai fang le buainak namenlo an umnak hmun ih suak mi pawl lak ihsi hmundang ih a kaikang peh vivo lonak ding hrang le ram mipi kilhimnak hrang ih tuah mi a si.#

(Visited 106 times, 3 visits today)

Comments

comments

Comments

%d bloggers like this: