Chin Ram Ah Aveikhatnak Human Rights Rapporteur Tlawng Ding

Tomás Quintana

Tomás Quintana

The United Nation Special Rapporteur cun Chin ram tlawn a tum tiin chinlandguardian cun a tarlang.

Kawlram ih UN pawlkom ihsin minung covo lamih palai Tomás Quintana hin kan ram sung ih hmun dangdang a tlawn tumnak, a lamtluan tumtahnak ih 11nak ah Chin ram tlawn ding a tel ve. Rahkhin, Kachin, Shan, Meikhtila, Naypyitaw le Rangoon pawl a feh ding.

Hi tiih Chin ram a tlawn tumnak hin UN Special Rapporteur hin sakhuanak le tlangpar miphun pawl umtu dan zohfel dingin a thupitter ti a tilang ti a lang. Quintana hin Rakhine le Meikhtila a tlawn ding thu a rel mi tlun ah, “ Chin, Kachin le Shan pawl ka tlawn nak hin Myanmar [Burma] ram sungah ziangtluk in sakhuanak le tlangpar mi pawl hnenah minung covo a si ti ka theihphah dingih, remdaihnak ziangtluk ramsungah hmasawnnak a nei tikhal ka theithei ding a si’ tiin a ti.

Quintana hin minung covo pawl humhimnak le hmantlangnak lam khal remdaihnak le ramthukhelnak hrangih tlangpar mi pawl ih lungkimtlangnak lam khalah telh ding khalin a sim.

Hi a khualtlawnnakah acozah thuneitu pawl, rorel inn piih thuneitu, National Human Rights Commission le Yangon ih um vantlang pawlkom dangdang pawl tonnak a nei ding.

A khualtlawnak hi August 21 ah a ṭheh dingih Mr. Quintana hi Rangoon International Airport ah thuthanglatu pawl kokhawm in sml 18:15 ah phuanlangnak a nei ding ih 24 October 2013 ih General Assembly an neihnak khalah a phuang bet ding.

(Visited 51 times, 1 visits today)

Comments

comments

Comments

%d bloggers like this: