Chin Raltlan Pawl Columbus Ah Umhmun Khuar

Columbus khawpi hi U.S. Ohio State ih Khawpibik le a tumbik a si. Kan dung 2008 ihsin tukum tiang kan zohsal ahcun Columbus peng hi Ohio ih a lutmi kan rammi raltlan pawl (Chin raltlan pawl tel in) a lakluh tambiktu a pahnihnak khawpi a si. A tambik cu Akron khawpi a si ih, Ohio State ih a pangatnak a tumbik khawpi a si. Ohio ih a lutmi kan rammi raltlan pawl tarlang sehla: 1. Akron-534, 2. Columbus-304, 3. Cleveland-303, 4. Lakewood-118, 5. Cincinnati-35, 6. Cuyahoga Falls-16, 7. Dublin-13, 8. Dayton-8, 9. Maineville-1, zate kom in 1,332 an si. Hihi United Nations refugee agency  ih tarlang vekin a si.

Cun Columbus peng cun atu ahcun ṭonglettu pahnih a nei thlang. Asinan, mipi an tam tuk ruangah a daih-aw thei cuang hrih lo thu Ed Kennedy in a sim. Amah cu Thlanglam-Nitlaknaklam ih tlawng pawlah English hi tappi ṭong ṭheh ih thiam ding timi tumtahnak thawn ca zirhnak ih coodinator a si. Anih cun Columbus peng ah Eng-Kawl-Chin ṭong a thiamkimtu ṭonglettu pahnih cu kan ṭul hrimhrim a si ti’n ruahnak a pek. Angie Plummer cun Chin raltlan tampi cu Malaysia ram Kuala Lumpur ihsin an ra thleng. Chin pawl cun an umnak an khua le an ram suahsan in an tlan. Ziangahtile an ram uktu ralkap pawl cun an khua pawl an siatsuah ih, hna ṭuan harsa le hnaṭuan khung cu an tuanter, cun ralkap lut khal an fial tiin a sim. Columbus ih raltlan community le ramsung lut zohfeltu pawl (Community Refugee and Immigration Services) in Columbus ahhin 137 Chins since October 2007, ihsin thokin Chin 137 pawl cu a hmaisabik ah an um tiin Executive Director Angie Plummer cun a sim.

UN raltlan agency in tukum January ihsin June tiang kan ram raltlan 8562 pawl cu U.S. ah an ra lut. Cuticun Chin pawl tel in Ohio ah 2008 ihsin thokin tukum tiang mipum 1300 cu an ra lut zo. Kan rammi raltlan pawl tambiknak cu Indianapolis a si. Elaisa Vahnie, Indianapolis ih Burmese-American Community Institute ih an director, in Indianapolis ah ramdang ihsin raltlan 3909 an lut ih, a ra ṭhawn le a ra vaithartu pawl thawn cun 9000 hrawng cu an um zo. Cumi lakah Chin raltlan pawl cu 6400 hnakih tam an um tiin a sim.

Comments

comments

Comments

%d bloggers like this: