Chin Person of the Year 2016 Pu Thawm Hlei Mang Ih Thuhla Tawi

11053052_1053499334662090_1971171434303967378_n

Pu Thawm Hlei Mang

Chin Person of the Year 2016 Ih Thuhla Tawi

Salai V Bawi Lian

Pu Thawm Hlei Mang cu Rev.  S. Hrang Kap Hnin le Pi Sui Ngun Tlem tei’ fapa upa bik a siih 1967 kum ah Tlangkawi khua ah a suak. Mandalay University tlawngah a rak kaiih, 1988 Zalennak hrang rampi-huap cangvaihnak ah Falam Tlawngta hotu arak si.

CNF/CNA hotu lamah arak tel dah. Chin mino pawl hrang ih fimzirnak le thansohnak hrang tawlreltu le hma hruaitu a si. Chin-English Dictionary tuahsuak thei dingih sulsutu a si ih, nunau pawl hrang zirhnak, nauhak nu le pa neilo pawl cawmnak, mino thansohnak ding hrangih zirnak pawl tawlrel saktu a si.

10697249_10154584629170035_3041354687437451165_o

The CNF Cabinet Members…. March 27, 1989 Aizawl, Mizoram, India. …. President: Pu No Than Kap (John Khaw Kim Thang) V. President (1): Pu Tial Khal (Flm)  V.President (2) : Pu Sang Hlun (Hka)  V. President (3): Pu Salai Myo Aye (Asho)  General Secretary: Pu Acaret Val Thang (Mtu)  Trade & Commerce Secretary: Pu Lian No Thang (Flm)  Finance Secretary: Pu Ngun Hre (Hka)  Deputy Fin. Secretary: Pu Anthony Thawm Mang (Flm) @ Thawm Hlei Mang Deputy Foreign Secretary: Pu Roger Biak Lian Thang (Hka)  Publicity & Info Secretary: Pu Thang Rem (Hka)  Dep. Pub&Infor Secretary: Pu Ni Lilian (Flm)  Organization Secretary: Pu Than Kio (Thantlang)  MVL Director: Pu Tluang Lian (Flm)  Dep. MVL Director: Pu Dr. Sui Khar (Thantlang)  Defense Secretary: Pu Tlung Lwe (Mtu)  Asst. Defense Seretary: Pu Rollin Van Bik (Hka)  PA to V.President -1: Pu Roenga (Courtesy – Van Tuah Piang)

1995 kum ah UN Meeting a kai ih cutin Switzerland ah a um. A nupi Siew Ong thawn fa phanih, mipa le nunau, Jessica Suilen – kum 9, Andy Vanlin kum 7 an neiih, Basel khua (France, Germany le Switzerland ramri Trijunction khua) ah an um.  An umnak hmun ah an mai sungkua lawng Chin tong hmangtu an sinan a fale pawl cu an suah ihsin Chin tong in a bia ih tu ahcun Chin tong an theiih mallai khal an tong thei.

Chin mi lakih a tuannak lawng siloin Swiss ram ih a tuanmi pawl ruangah Swiss ram ih cawimawinak ‘Zwingli Award 2015’ khal a rak ngah.

A nupi Siew Ong thawn fa phanih, mipa le nunau, Jessica Suilen – kum 9, Andy Vanlin kum 7

A nupi Siew Ong le a fa le pahnih Jessica Suilen – kum 9, Andy Vanlin kum 7

1996 thawk in Falam le Tahan ah Children Home 2 (tuisun tiang ah nauhak zate 58), Kindergarten 3 a bawm ih tuini tiang pehzawm vivo in a zohkhen. Tahan le Falam ah Mino tampi zirawknak an neih theinak ding hrang center dinin program a tuah ih, hlawhpe ih hnatuantu mi 20 lenglo pawl a nei.

Swiss sirhsan mi NGO pahnih Verein Kinderprojek Burma (1997) www.kinderburma.ch le Thansohnak hrang Verein SwissBurma-Aid (2014) www.swissburma-aid.ch a din ih, himi fehtlang in tui ni tiang Chin mi pawl hrang pehzawm in hna a tuan rero.

2016 March thla ah Falam Canbary veng ah Youth and Community Center hrang innpi an dinih, himi hmun ah Falam Mino conference tuahnak, Nunau Thilthit zir theinak program khal an tuah. Nunau thiamtah zir suak, thilthit zirsuak tampi annei thei zo ih 2015 ah Kanpalet ah thiamsin 5 le Minhla khua ah thiamsin 5 pawl ret in thiamtahnak center khal a rak din sak.

A ra lai ding mi, November 2016 ah Chin Mino 20 pawl hrang, Yangon ih Swiss Vocational Training Center (VCT) pawl thawn tuantlang in Electrical Wiring Course tuah ding khal a tawlrel zo ih himi zirnak ih feltei kai theh thei pawl cu Cozahpi ih theihpit mi certificate an ngah thei ding bakah Yangon ih VTC ah kumthum Training kai in degree ngah theinak lamzin tiang khal um thei dingin a tawl rel sak. Tahan ih Youth Center ah thuzirnak cu neih a si ding.

Lailun Foundation hnatuannak, ICA (Institute of Chin Affairs) pawlah hohatu ah telin USA, Ramsung, Europe hmuntin ah a mai bulpak sumpai rori cem in atlawng.

ICA hotu pawl

ICA hotu pawl

Kum 25 (1988 – 2013) hnu ah ramsung ah a veikhatnak a kir ih cutin kumtin a innsang thawn ramsung mino/upa pawl thawn kutkaiaw in hnatuan a peh vivo.  Asuahnak khua, Falam peng, Tlangkawi khua pawl hrang, in ding tidai an khaw sungah alakluhsak, Tlawngsaya kum 20 tluk asan sak zo fawn.

Swiss Mino 4 pawl cu ttum 3 (2012 – 2015)tluk Kalay ah fehter in Chin nauhak-mino pawl English camp tongzirnak le leknak an tuahsak.

Chin mi pawl hrang lawng siloin tu ih a umnak hmun Basel khua ah Swiss Church pi in ankhua Farah le harsa pawl hrangih Biakinn programm pakhat www.sonntagszimmer.ch an hoha ter. A hnatuan that ruangah Swiss ramsung le Germany ih Church pawl in zohthimtlak pakhat ah an ret mi asi.#

 

(Visited 495 times, 1 visits today)

Comments

comments

Comments

%d bloggers like this: