Chin Pastor ih Inn Lungto Thawn Phom

2e9dcdcca4714b387ff51f2394d63a23_L

Zuk- Chinland guardian

Yesagyo khua, Magwe ramri ih Chin Pastor Rev. Zung Hlei Sum ih inn cu zotitheihlo in, lung thawn a inn an phom sak thu Chinland Guardian in a tarlang.

Pastor Sum ih inn cu tui zarhte zan nazi 9:50PM, 11:10PM le mizan nazi 9:35PM ah an phom bet thu amah Pastor Sum in a sim. Pastor Sum cun an lungto tlak daan pawl a zoh tikah kan dung kum rorelnakinn ih an thubuai thawn a pehparaw ding a zum thu a sim. Kan dung kum ah Pastor Sum cu Pathian biaknak inn a sak ruangah a kiangkap venghnen pawlin an duh lo ih rorelnakinn ah an thlen nan an neh lo ruangah cumi duhlotupawl in lungto thawn an phom asi a zum.

A inn phom saktu pawl cun, zan ah a inn ah a thupten an lut ih a inn darnak le luanglu pawl tiangin an bal sak ih hlei ah, inn kiangkap ih tohkhengpawl tiangin an siat sak. Hmai zarh ah himi an phomnak hmun ah zumtupawl tonkhawmnak an nei tum ih cumi thuhla an theih ruangah teh a si pei maw tiin Pastor Sum cun a ruat.

Pastor Sum cun hivekih hmuhsuam le dodalnak hi a ranglam in relfel dingah a duh ih khawsung palik pawl hnen ah a thlen nan tuini tiang zohman in an ngaihsak hrih lo.#

Comments

comments

Comments

%d bloggers like this: