Chin Paralṭha Lt.Col. Sithu Hrang Ṭhio (B.G.M) Thuanthu Cabu In Suak Ding

Chin Paralṭha Lt.Col. Sithu Hrang Ṭhio (B.G.M) Thuanthu Cabu

Chin Paralṭha Lt.Col. Sithu Hrang Ṭhio (B.G.M) Thuanthu Cabu

Lt.Col. Sithu Hrang Ṭhio (B.G.M) Thuanthu (1949 Burma Ramsung Ralpi a Rasuah Daan le Chin Ralkap pawl ih Burma Rampi an Humhim Daan) timi cabu Salai Van Cung Lian (UK) ih a zingzoi mi cu tuikum Chin New Year, USA ih tuah ding mi 3rd September ah tlangthannak le zuarnak an nei ding.

Hi Cabu hi cahmai 85 a siih Chin santhuan ih Chin paraltha Lt. Col. Sithu Hrang Ṭhio ih thuanthu, Burma rampi sungah ih thimnak ralpi a thok daan, Ramsung ral pi ih Chin ralkap pawl ziang tin an tel, ziang vek in ram pi hrang ah an nun an thap ti thupawl fiang zet in a tar lang.

Cabu le Chin thuanthu bu tamzet pawl zinzoihnak thawn ngan mi asiih, Myamar ram calai buuk dangdang, Chin ramkulh ih thuanthu theitu Chin upa dangdang paw le England ram UK calai buuk ihsi thuanthu tiang hlailang ih ngan mi a si.

‘Himi cabu ngansuak thei dingin kum 4-5 karlak tluk ka zingzoi. 1949 in cang mi ralpi sung ih Lt.Col. Hrang Thio le Chin ralkap pawl hi tuisan ah ka hmuh sual daan a tam zet ih an thuanthu tak tak hi ziang vek si pei tiah, kei mah rori in ka thei duh ruang ih ka zingzoinak a si. 1949 lai ih ramkhel um daan ruang ah, KNDO pawl khal in tuah lo theih lo dinhmun in, dothlennak an rak thok. Rampi humhim ding ih, thu a kam tu kan Chin ralkap pawl khal in, an ṭuan vo, ṭuan lo theih lo ih an ṭuan mi a si timi ka hmu fiang mi a si.’ tiah a cabu a suahnak san le a zingzoinak san khal Chinland Today hnenah a sim.

‘U Nu ih fanu duh ruang ah Lt.Col Hrang Ṭhio ih ho mi Chin ralkap pawl in Karen pawl an rak donak a si lo. U Nu ih fanu u pabikcu, cu lai ah kum 13 fang a rak si. Hivek, titi lengvak menmen kaw-lah-ha-hah thu pawl in ram hrang in nunnak a petu kan Pu le pawl thuanthu a hlo ter vivo thlang ih, Hrang Thio le Chin ralkap pawl ih thuanthu roling cu kan nih Chin mi pawl in kan au pi ring ring in, kan thang ter ring ring ding mi ruahsannak thawn ka ngan mi a si. A tu ah khal, himi thulu an hmu ve ten, a thuai ah Hrang Thioi le Chin ralkap pawl a zahpi tu pawl in an comment ciam co leh ding. A hlei ce in, hivek pawl hin hi cabu sair hai seh la ka duh. Hi pawl hnen ah cun a lak khal in cauk zem hi poi ka ti lo lawlaw’ titla in a sim.

Cabu suahsaktu hi USA ih khuasa Salai San No Lian (Akeuh) tei sung an siih, Cabu rialnak ah US ih Chin mi cabu rialnak Salai Press ihsi nam mi a si.#

Comments

comments

Comments

%d bloggers like this: