Chin Nonawn Calai Pawlkom (Delhi) Meeting Kai

Mani 5 September 2010 zanlam nazi 3:30 ah Chin Nonawn Calai Pawlkom (Delhi) pawl cu an cabu suahmi “Kuakuai Aanka” thlirsalnak le sumpai dinhmun pawl zohfelnak an nei.

New Delhi ih an suahmi “Kuakuai Aanka” cu ziangtlukin mipi in an duh timi pawl vengtin ihsi report tawi an pek theh hnuah an sumpai dinhmun pawl khal zohfelnak an nei bet.

Cabu zuartupawl ih sim daanvek asile, vengtin ih an cabu zuarmi pawl cu “mitthep karah in leisak theh” tiin an sim.

“Nan cabu suahmi a tha ih siar khal a nuam zet” tiin vengtin ihsin thu an dawnmi simrel khawmnak an nei cio.

Salai Lal Nei Mang cun an Kuakuai group mail tuahmi a hmuhdaan le tuah that ding dang a um mi pawl a sim.

Salai Van Ram Eng khalin Chinmi calai phurtu cu upapawl lawng siloin nonawnpawl ih phur ding mi a tam sawn thu a sim.

Meeting kaitu mi 12 pawl cun an cabu suahmi copy tam deuh ih tuah ding ah an rel cat ih hmun dang dang ih kuat ding khalin thuthluknak an tuah bet.

Cun, sungtel duh pawl hrang tel theih ringring asi thu khal a thar in relsalnak an nei.

An meeting cemnak lam ahcun December thla ah biazai vial cabu pakhat ih suah ding in an lungkim thu an record.

New Delhi Chin mipi hrang calai tam sinsin suah ding tumtahnak thawn an meeting an cem ter.

Thuken: Kan kut ken, kan calai

(Visited 47 times, 1 visits today)

Comments

comments

15 Comments

  1. zaniat(Pu Geneva) says:

    kan Zaniat youth Organation cu ziang tik hman ah in tluk thei cuang lo ding kan nih cu International level in kan cang ding, kan mawi sin sin ding,kan sang sin sin ding Zaniat Mina pawl kom.

  2. Saithantluang Tuallawt says:

    Tul lo deuh vin ka hun rawlh aw ve hnik ke. Hi vek comment hi ka hmu mal deuh ruangah a si. Cun, CT Cokidar pawl hi an thiam ka ti nak pakhat cu comment tu in frank deuh ih a comment theinak an tuah hi tha ka ti zet.

    Pu Geneva hi thu suh duh pakhat te ka nei ih in sim thei a si len cu ka lungawi zet ding. Zaniat cu Chin miphun an si tho ko lo maw? An si ah cun International level lawng si lo van ram deng tiang hman sang sin sin dingih zuam dingin Chin Nonawn Calai Pawlkom(Delhi) khal hin an lo duhsak ka zum. Keitla thinlung ngai ten ka lo duhsak Chin hmin ti mawi tu tho tho a si.

    Ka rual Papum(Delhi) in Laimi/Chin cu Thingkung pakhat vek kan si ih Thingkung cu a hram tampi a cak len a kung khal a hnget vekin Tlang tluan te te kan cak len Chin khal a hnget dingih a cak sin sin ding tinak a si ko. Asinan, pakhat le pakhat a tha lo le sual zawng ih zuam awk nak cun a hrampi a nget tir ih siat ralnak a si a rak ti dah.

  3. Dear zaniat(Pu Geneva),

    A hmaisa in Zaniat youth Organation a um le um lo hman kan theilo. Ba rawh zatlo minung zaniat pawl hi maw….

    “kan nih cu International level in kan cang ding” na timi hi Zaniat level in na ti nak a si pei cu ti aw…

    “Kan sang sin sin ding Zaniat Mina pawl kom”….Mino tiaw la a mawi deuh nan Minaa pawl na ti betbet…Minaa pawl cu an cak lo deuh ding tinak a si pei cu ti aw…Ka pu Geneva…

    CT pawl zangfahten himi pa Salai Geneva ih cangan mi kha moderate rak tuah nawn hlah uh tiah zangfah ka lo dil. Mi bang lo a si ding.

    Himi lawng asilo.

  4. Saithantluang Tuallawt says:

    Uk te…Zaniat (Pu Geneve) kha Papum a si ka tinak a si lo.

    Papum said …”Ka rual Papum(Delhi) in Laimi/Chin cu Thingkung pakhat vek kan si ih Thingkung cu a hram tampi a cak len a kung khal a hnget vekin Tlang tluan te te kan cak len Chin khal a hnget dingih a cak sin sin ding tinak a si ko. Asinan, pakhat le pakhat a tha lo le sual zawng ih zuam awk nak cun a hrampi a nget tir ih siat ralnak a si a rak ti dah”….a ti vekin Lai mi sungah Tlang/Peng te te kan cak len Chin kan cak ding/ hnget ding a ti ti kha ka sim tuh sawn mi a si. ( Papum in Utluangi (Jacob) tei inn ih thu in rak ruahmi kha a dik e ti ka mang suak ti thu ka ngan duhnak sawn a si)

    Hi vekih free discussion nak neih hi a tha. Hrek khat in hmin lem an hmang ding ih a hrek in mai hmin ngai an hmang ding. Zo vek ih comment-nak khal moderate-sak ding a si lovi, delete sak ding khal a si lo. Original te a ngan tu duh dan vek khan post ding a si. Leitlun media nan zauh a si len mi tam tak cun Articel ‘heading’ an zauh ih an siar thuak thuk ih an siar le zauh fiang mi sawn cu “comment’ nak hi a si. Ziangah ti len ‘public view’ theihnak a siih cu cu public interest theihnak a si cih. Exp; Yahoo ih news hi zauh sin uhla comment nak hi a news hnak sawnin ‘knowledge’ um tla a tam sawn. Cu vekin leilung tlun news ah comment nak um lo cu a um lo ti thei tluk a si.

    Cu hnak cun, CT Chief Editor hin nan post ding “news or articel’ hi mal lai check ta ula CT hin hi hnak hin quility a nei deuh deuh sawn ka lo duh sak. Asinan, sawi sel duh hrangah cun sawi sel ding um lo ti cu a um lo nan ‘dik lo’ lutuk hi rak ngan sual pang a um thei ruangah…..CT Cawkidar pawl nan pek awknak a ropi nasa….

  5. Delhi lam Calai hrang teimak suah tu pawl nan ti tha tu, mah leh umnak hmun cio in kan calai hrangah tan lak cio hi a thupi zet.

    zaniat(Pu Geneva) ti aw pa hi zo ha a si ti theih a va cak um ve. Zaniat Calai cu Falam peng sung hman ah an mah Zaniat lawng ih hman mi a si lo maw ziang tin International leve ti vek a sal burhbo.

    Butlak ti li vate sungah a tla ih ka umnak a kau bik tin a au rero, A umnak ti dai a kang ih a leng a suak cu a umnak hnak ih kau a hmuh ih a ning zak sal an ti bang in. A fiak zawng tuk ih kan mah zaniat ti vek sim phuatpho can a si nawn lo.

    A comment pek sir a nuam nasa. hahahahahhahaha

  6. Pu Geneva ih Zaniat Mina pawl kom a ti mi kha ka mang a bang deuh ee.Mina pawl kom ih international level cang ding cun ho tu dingah teh Mina lak ih a cak vak bik hril a tul kei cu ti au.Cun ‘ ziang tik hman ah in tluk thei cuang lo ding ” ti mi kha teh na zuamnak cu a tha ko nan zo ha na zuam mi?Laimi/ Kawlmi /Leitlun mi nung hmuah2 ha na zuam? Um har phen ah ka run ti ti ve men ho khaw.

    Hranga
    Atlanta,GA

  7. salai zanait (ek geneva)
    zanait tih hi ziang asi ti ka thei dah lo nan
    tucu ka thei ngah asi .salai zanait par ah lung awi nak
    tam pi ka nei.ct i commet hi ka rak sial dah lo nan
    tu tum cu salai zanait i ngan mi ka sial ngah i nihsuak ka ti
    lutuk ruang ah asi .ek geneva in rk ngai thiam aw mw

  8. tu tum cu… Comment ropi zet kan ngah si maw.. CT ah hi vek in an comment aw theu ti ka rak thei lo nan.. Respected Pu Geneva zar ah ka rak thei ngah ve ih ka lungawi nasa.. Respected ka ti duh nakcu.. na tum tah nak kha atha na sa.. Asi nan Zaniat unau nan sang ih International ih nan cang vaih thei ding cu.. ka lungawi zet .an lungawi cio ding ka zum..ziang ah ti le Chin mi lak ah ka tel ve ruangah asi..Chin mi na duh dawt asilen chin mi phun sung ih cangvak tu pawl hi vek in rak sawi sel nawn hlah zang fah ka lo dil…..Chin nonawn clai pawl kawm in thla cam nak in kan lo bawm ding… lungrual acu zo… Zaniat mina pawl kawm sangsin hram seh…. tin in thla za ka cam…..Peace Be With You….

  9. zaniat(Pu Geneva) ih comment pek mi cu a va mak ve, Thansohnak a tam lo nasa ding. A mai diriam in a comment ih a tha ve ko. A kau zawng ih thu ruah thiam hi thinlung a hahdam.

  10. Daniel lalramthar says:

    Kei tla tul lo piin ka rak in rawlh ve ding Zaniat (pu Geneva) comment ka rak siar ve ih ka khaw ruah a ti tam na sa, Chin Nonawn Calai Pawlkawm ( Delhi ) pawl ih cang vaih nak pawl ka rak thlir ve theu, mi eng tei zawng ,mi huat zawngih leh phun leh hnam zawngih an thil tuah hi ka thei hrih lo, kei cun an cang vaih nak le an thil tuah mi pawl hi ka upat zet ih ka cawi sang law2, CT sung tuan pawl tla ka upat zet zoh thim tlak an si rori.
    Kei tla 2002 to 2010 tiang CSU ah CEC in ka tuan DBCF(Y)kum7,CRC,CYC,Office,org,etc ah ka rak tuan theu kan lai mi cu kai lawn(step) sang kan kai le in dir tla duh tu an tam kan kai sang sinsin le in dir thla duh tu an tam sinsin cu ruang ah CNCP(D) dung tawlh lo vin hmai ah ke kar vivo sawn uh Hi mi pawl nan din pekih ka lo comment kha nan cing lai maw? zuam sin sin sawn uh.
    CNCP(D) a lo duh sak tu
    Daniel lalramthar
    CANADA ih sin

  11. Pu Geneva
    A lung awi um nasa.kan ni ChinNonawnCalaiPawlkom pawl hin bulpak le mi pawlkom ti buai hi ka tum lo.A si nan hi ti vek ih in rak hupphurh tu nan um hi kan cangvaih nak ah kan thang so kan hlawhtling tin ka hmu ka lung a awi nasa.Kei CNCP(D) sung tel pakhat sinak in ka ttang sinsin ding ti lo sim ka duh.Neita khal ah hi ti vek in in hupphurh in comment thu ka theih tin te in a let a let in ka ttang sinsin ding ti lo sim ka duh.

    salaiclian
    CNCP(D)sungtel
    New Delhi

  12. pu Geneve
    hi na comment mi hi duhsak nak thawn asi ka ring ih hmai lam ah hi ai zuam sinsin duh nak le anthei tawk ih tan an lak vivo thei nak ding ih fui nak in kei cun ka hmu ih atha ka ti zet,CNCP khal in tan lak nak ah an hman pha ding ti khal ka bei sei sawisel nak hi do tu le dawn tu silo in bawm tu ah an hmang thiam ding ti cu ka bei sei nasa,,,,na duh sak nak hi asung lawi ka ti.
    asi nan duhsak nak tello tong kam asi ah cun niangzah thlak zet le mual pho thlak zet ah asuak ding.ziang ah ti le kan mah tuamhlawm tu le bom tu Doctor rel siat thawn a bang.hlawh man nei cuan c lo chin mi hrang ah ti ih caantha le thiam nak le ziang kim can huam ih in tuan sak rero tu cuti kan ti asi ah cun kan hmaikhua cu a va pit zit ve kei cun lei tlun khal ih nung tlak ah ka ruat awlo…
    sinan cuvek thin lung thwn nati na ti lo ruanga ah…..a lung awi um nasa
    taktak ah cun kan nih zahau,sim,ngawn,zangiat,tlaisun,len te tp…hi fahlam ih hram kan si zohman fahlam cuang bik ti a um lo kan za tin mi bang aw kan si chin miphun ti mawi ter tu son kan si……

  13. Chin Nonawn Calai Pawlkom Delhi ( CNCP (D ) ) In tumtahmi cu kan chin tawng le Kan chin ca a thanso sinsinnak ding ah le Kan chin miphun in ca kan duh sinsin theinak dingih tan lak a si. Pawlkomnak ti buai zawng le dokal zawng in a feh lo. Kan nunphung le kan calai khaisan, kan chin ca in ca thatha nei ding hi a tumtah mi a si.

  14. ekhai!kan kan comment ngan mi pawl cu siar a nuam in mit a va la em!
    kalungawi ngaingai,kan Chin Nonawn Calai Pawlkom hi a tha titu le a duhtu kan si cio a bang ih kalungawi nasa,kan Chin mi hi leitlun ram kip ah kan um nan
    kan calai le kan nunphung fingkhawitu kan si kha thei aw sehla a tha ko ding ka zum..kan calai a feh a silen kan miphun kan tthangso tinak a si.ramdang ah um hmansehla kan calai te kan siar thei theu hi a man hla ka ti bik mi asi.
    Chin Nonawn Calai Pawlkom (new delhi)ih hotu pawl thu kalo cah duh mi pakhat aum,relsiat nak a phun phun nan tong ding nan hmailam hrangah kan miphun le kan calai a tthansonak ding hokhaw..
    lungawinak tampi thawn
    salai cite
    Malaysia

  15. pu Geneva cun comment tu a ti tam nasa. Alungawi um. A comment dan khal le International ko lo sawm. A tih hrim ih ngan maw, a thinlung ngai saw ti cu a mah lawng in a thei aw ding ih siar pek ah cun thin a thawng duh nasa. Zangiat lawng maw chin mi tih pangnak si. Tui tum vek ih comment tam hi ct ah ka hmu hrih lo. Pu Gnva khal tui hnu le cu a mawi deuh ih comment dan tla ruat hmai sa in chin mi phun hrang tha hnem ding zawng in comment dan kan zir tlang kei uh.

Comments

%d bloggers like this: