Chin New Year -2015, Australia Timtuah Zo; A Veikhatnak Miss Australia Hrilnak Nei Ding

10257230_849121128542777_1828517983501074159_n

Chin New Year cu October 2-4 tiang Australia, Adelaide khawpi ah ropi zet ih hman tum a si ih a veikhatnak hrang Miss Australia hrilnak khal an nei ding.

Tuikum Chin New Year ah Football, Table Tennis, Volleyball nu le pa pawl zuamawknak a um ding tiin Adelaide ih innteek, Chin Community Adelaide pawl hnen ihsin thu kan dong. Miss Australia hrilnak ding hrang Melbourne, Brisbane le Adelaide, Sydney le Perth ihsin zuamawnak an nei ding.

Melbourne um Chin Community Victoria Inc ihsin mi 170 leng feh ding hmin an pe zo. CCV ihsin fehtu ding hi mi 170 an kim zo. Vanzam ih fehtu ding khal mi zang maw tizat an um. A sunglawi theibik le a hlunghlai theibik ih caan hman kan tum a si tiah Pa Wesley Bawi in Chinland Today Media hnenah a sim.

Brisbane um Chin Community Queensland Inc. ihsin mi 40 lenglo zamsuak dingin an ralring zo titla in thu kan dong.

Chin New Year -2015 hi Australia thleng Falam pawl kum hnih veikhat tonkhawmnak caan an neihnak puaipi a vei 5 nak a si. Kum tin mah le umnak cio ah Chin New Year hi hman a si theu nan kum hnih veikhat tonkhawmawknak nei dingih an tuah mi  puai sunglawibik pakhat a si.

Comments

comments

Comments

%d bloggers like this: