Chin New Year 2014, Melbourne A Hlunghlai

imageAustralia ih a vei (4)nak Chin Kumthar cu Chin Community Victoria pawl ih hohanakin mizan  November 15, 2014ah hlunghlai zet in Chin mi 250 lenglo suak khawm in Ringwood Community Hall ah an hmang.

Sun ah lehpannak a phunphun thawn caan hman asiih zan riah eikhswmnak khal an nei cih. Hnam laam phun 7 pawl laamnak, Melbourne Falam phunsang tlawng thehsuak cawimawinak, VSL canganzuam lawmman peknak le awnmawi pawl thawn caan hman a si.

Phunsang zirsuak sunlawihnak capi cu mi pali; Pa Van Biak Thang Laisak, Master of IT, Pa Tin Kip Lilian, Bachelor of Accounting, Nu Nai Zinghang Lilian, Bachelor of International Development, Mai Sui Sin Mawi, Bachelor of Accounting pawl hnenah hlan an si. Hi mi pawl hleiah Nu No Than Thluai, Deakin Community Award, tlawmngai le zohtontlal lawmman a ngahtu sunlawihnak capi le Victoria State level ah football ih lek bantu Salai Jerry San Luai Thang khal Chin Community Victoria in sunlawihnak le cawimawinak a pe.

Hi ni densan in Victorian School of Language (VSL) tlawngta nauhak 11 pawl cun, ‘Melbourne Chin Mi Ka Hmuh Daan’ timi thupi hmangin cahram ngan zuamawknak an nei. Mai Rebecca Van Sui Nuam in pakhatnak, Mai Van Hniang Mawi, pahnihnak le Jerry San Luai Thang in pthumnak pawl an ngah.

Melbourne ih hlasak thiam le zaitha hlirkhawm mi le Falam mino awnmawi tumthiam pawl khalin mipi pawl theihtawp in an awi.

‘A hmaisabik kan rak hman lai thawn tahthim cun kan thansoh dan le kan hmasawn dan hi a mak rori, mipi khal kan pungih mi fimthiam le hohathiam khal kan tam vivo hmailam caan ahcun hihnak ropi sin tuah thei bet vivo khal kan zuam ding’ tiin Nu No Than Thluai cun a ti.

2015 Chin Kumthar cu Adelaide khawpi ah hman a si dingih kan zaten hlunghlai zet ih kan hman khawm thei ding khal ka ruahsan a si.#

(Visited 233 times, 1 visits today)

Comments

comments

One Comment

  1. A siar nuam nasa, Chin Kumthar ti niakno men ding si ko. Pathian in kan Chin Kumthar hmang thei vivo ding in lam in hruai hram seh.

Comments

%d bloggers like this: