Chin New Year – 15, Singapore Hmang Dingin Chin Arsi Pawl An Thleng Fel Ta!

Fred, Makim, Jamie, Dika

Fred, Makim, Jamie, Dika

Chin New Year – 15, Singapore ih tuah ding mi hmang dingin Myanmar rampi hlasak thiam Chin mi arsi pathum pawl cu Singapore khawpi an thleng zo. September 20, 2015 ah SCCCI Hall ah sunglawi zet in Chin New Year – 15 hi hman an tum.

Kum tinte in Singpore thleng Chin mi pawl in Chin New Year  hi hlunghlai zet le sunlawih zet in October thlacem zarh netabik kiangkap hrawngah an rak hmang theu. Tuikum an hmannak ding khalah Lailaam, Lai thuam mawi hmuhnak, thiam thil hmuhnak pawl le zaihla awihnak pawl in caan hman an tum sal. Himi densan in cangan zuamawknak khal tuah a si ding tiah thu kan dong.

Chin New Year -15, Singapore ih hmang dingin Myanmar rampi huap ih theih lar mi, Chin Arsi pawl an siih, Myanmar Girl ihsin Mai Ma Kim, Myamar hla zuamawknak sangbik a simi “Einmet Sungya”  Season 7, ih pakhatnak ngahtu Salai Dika, panihnak le mpi duh cobik lawman ngahtu Salai Fred pawl an si. An mah lawng silo in Iron Cross Band hotu le an guitar tumtu Chit San Maung tei’ nupa khal in tuikum Chin New Year hi an tel pi ve ding.

Tuisun Singapore an thlengih zanlam ah studio an lut cih. Concert ah inntek pawlkom sungin mi pathum khalin hlasak an bawm ve dingih cupawl le music committee hrekkhat pawl thawn an luttlang. Chit San Maung cu zing khawm lawng a tel man dingih khawm lai ih caan hmang dingin a hranten caan pek a si.

Tuitum Chin Arsi pawl hi Mai Jamie Eng Te ih sponsor mi ihsin feh an si. “Kan Laimi awtha zetzet hlasak thiam tamzet pawl cawisannak ah le, Singapore ih um Chin mi hnatuan pawl lungawi zet ih kan puai anhmannak ihsin an rualpi pawl an kom theinak ding duhsaknak thawn a siih an rualpi an komnawk ihsin Biak inn lamkhal an pan vivo ih Chin mi thawn an naihniam awk thei nak ding khal ka ruahsan” tiin Mai Jamie cun a sim.#

(Visited 546 times, 1 visits today)

Comments

comments

Comments

%d bloggers like this: