Chin New Year – 15, Adelaide Khawpi Ah Hmang Ding

2013 Chin New Year, Melbourne ih hmanlai

2013 Chin New Year, Melbourne ih hmanlai

Australia thleng Falam pawl cun Chin New Year – 15 Puai cu Adelaide khawpi ah hmang dingin an tim laam aw thok rero zo. October 2- 4 tiang hman a si ding ih lehzuamnak, nunphung laam, santhar laam, Miss Australia pawl hrilnak a um ding.

Chin Community Victoria Inc., Melbourne ihsin a fehtu ding mi 150 lenglo an um zo ih Brisbane ihsin mi 20 lenglo khalin feh dingin an ralring zo tiah Chinland Today Media cun thu kan dong. Perth le Sydney khawpi lam khalin himi puai hmang dingin feh an tum tiah thu kan theiih mi ziangzat cekci a si ding ti cu theih a si hrih lo

‘Tuikum Chin New Year hrang kan ralring nasa ve zo. Football, Volleyball nu/pa, Table Tennis, Miss Australia hrilnak, Live Concert pawl le cultural night pawl kan hmang ding.’tiin Salai Kham Bawi Thawng, Chin Community Adelaide hotu cun a sim.

Chin New Year hi Australia ah kum hnih veikhat hman theu a siih tuikum hi a vei 5 nak ding a siih Adelaide ih a thlen veihnihnak ding a si. Adelaide ah Falam mi 400 zik an um ih Australia Falam khawpi ti theih ding khawpin Falam mi an tamnak hmun a si.

Thuhla kan dondanin himi puai ah Chin Community Australia; Australia thleng Falam mi funtom pawlkom khal in thurel khawmnak an nei ding.#

(Visited 428 times, 1 visits today)

Comments

comments

Comments

%d bloggers like this: