Chin Nauhak Ralkap ah tuan Fial

Chin ramkulh sungah, Chin mipa nauhak hrekkhat cu anmaih duh ruangah silo in, Kawl ralkap thuneitu pawlin,thuneihnak hmangin ralkapah an tuan ter.

Matupi ih ralkap sakhan thuneitu Maung Than le a kuttang ralkap pawl in, tukum sung lawngah, ralkap ih tuanter dingin Chin nauhak 30 lenglo an kai zo. Ahleice in Chin ramkulh thlanglamih India le Bangladesh ramrii um Chin mipa nauhak pawl an tam.

Hramlakih vate pel Chin mipa nauhak/ suakthuan (Teenager) pawl an hlo ih, khawsungih an rak kir sal tikah cun, ralkap hnipuan thawn an si theu. Atu khalah, nauhak hrekkhatcu khuinah ah an um ti theilo in an lo rero lai.

Hiti’h nauhak tete ralkap ih an luhternak thuhla thawn pehpar in, ‘Mipi lak ihsin mi pakhat khat ralkapah lut dingih sawm theitu ralkap cu, an rank thansak, (Yaa`thuu kaiter) an si ding’ ti’h Burma ralkap uktu pawl thusuahnak ruangah, hramhram ih ralkap luhter hi a tam sinsin nak asi.

Chin ramkulh thlanglam, Matupi peng khawsungmi pawl cun, “Atam sawn cu Paletwa ih khawte nauhak kum 14 tang pawl an siih, Matupi peng ihsin khal an kai hnuaihni. Peng dang khalah an kai ko nan, kannih Chin ram thlanglamihpeng`hen pawl ihsin in kai tam. Hrekkhat an kaihmi tla cu kum 12 mi tla an umih, ralkap pawl hin, an innsungah luhhnawh ih, nu le pa mitthli thawn sianglo cingih an kaihmi asi.”, tiah an rel.

Hitivekih kaih tuar ve ding phaangin, Laitlang thlanglam ih nauhak tampi cu, kan dung kum cem lam ihsi khan, khatlam ral Mizoram lamih an tlan rero zo thu kal an sim tel.

Pehtlaihawknak lamah Leitlunih sanmanlobik ram pawlah Burma ram hi a telih, Chin ramkulh hi ramsungih thuhla thanawknak le fehpawhawknak `hatlo bik lam asiih hlei ah Chin ramkulh thlanglam ahhin a besia bik. Cumi cu remcangah hmangin Kawl ralkap thuneitu pawlin, khawtemi pawl parah an duhduhin an thuneihnak an hmangih, zoi’h theihpi’t lo le bawmtu neilo te’n mipi in an tuar rero.Leitlun huap milai canvo lamih ‘uantu pawlin, kum 2002 ih an tarlan daan ahcun, Burma ram hi Leitlunih nauhak kum kimlo ralkapih `uanter tambik ram a si.

(Visited 63 times, 1 visits today)

Comments

comments

2 Comments

  1. Dear Chinland Today,

    A cunglei thawngpang hi khoika ah dah hlat khawh a si hnga? Tam deuh in ngan ka duh i hlathlai ka duh ko. Zaangfahnak tein na ka chim khawh ahcun kai lawm ko hnga …

    Lunglawmhnak le upatnak he,

    Van Biak Thang
    Chinland Guardian [www.chinlandguardian.com]

Comments

%d bloggers like this: