64th Anniversary Chin National Day Delhi Ah

New Delhi CT News | February  20

Laimi in kan ngaihlut zetmi le kan hngahhlap zetmi 64th Anniversary Chin Natioanla Day cu tu’ini, February 20, tlawngkainikhat ah  Laimi beunak hawl tam zet umkhawmnak India khawpi, New Delhi ah Chin Students Union (CSU) pawl ih hohanak in hlunghlai zet in hman a si.

Chin mi pawl ih kan ngaipawimawh zetmi le kan hlut zetmi 64th Anniversary Chin National Day cu Chin Students Union (CSU) hohanak in New Delhi ih hmun pakhat, Bindapur Community Hall ah zinglam nazi 11:00am ihsin tlailam nazi 4:00pm tiang ropi zet in hman  asi ih a hmun ah mipi 500 lenglo fehkhawm in hi puai cu hlunghlai zet in le ropi zet ih hman a si thu a hmun ih telpivetu, CT tuanvoneitu Salai Zilthli hnen ihsin thu kan dawng.

Hi puai hrangih Chief Guest ah Pu H.T Sang Lainnna cu sawm asi ih commmunity hruaitu pawl le UN lam ih mi thupi dang dang pawl khal guest of honor ih sawm an si thu salai zilthli in a rel. Puai ih fehkhawmtu mipi cu hlasakthiam pawl in Lai hla thawn thiam zet in an rak awi ih cuhleiah Lai nunphung le pipu ro cun kan neih mi lakih ropi bik Hnam lam khal hnam phunphun hnen ihsin neih a si bet.

Chief Guest hnenihsin thusimnak tawi ngai  asi hnuah guest of honor pawl hnen ihsin thu cah tawi le fawrhfialnak tawi ngai a si. Caan hman  a si vivo ih thangthar hlasakthiam Mai Lal Hlim Mawi le Mai Jennifer Sang Hlei Tial cun Lai hla thawn mipi fehkhawmtu pawl awihnak an nei ve ih zaihla mawi ngai  asi hnuah hnam lam a phunphun in caan a rawn peh. Hnamlam a phunphun :The Beauty of Khumiland/Chinland, Eidoh Lah(House CircleDance), Sawmtlang Ah Engawih Pui Ngang, Riselaw, Ruk Tuh Lam le Saar Lam pawl thawm mipi fehkhawmtu cu mit tleizet in lam thiam pawl in an awi bet.

Kum tin hman  asi theumi Chin National Day hman a si theinak ding ih ticu/caan le thanzang a sentu Chin Student Union(CSU) parah mipi cun lungawinak tampi an neih thu le tawlreltu committee member pawl hneah mipi cu lungawinak tampi an neih thu khal CT tuanvoneitu  salai zilthli hnen ihsin theih a si.

(Visited 61 times, 1 visits today)

Comments

comments

16 Comments

  1. A ve 64-nak kan Lai Phunpi Ni thu tawifamkim thansuaktu Salai Zilthli parah kan lungawi.
    * Pakhatte ka bet duhmi cu a rakhawmtu mipi hi a tohkheng lawng 500 order a siih a daih lo ruangah 100 lenglo cah ber a si. Culawng si lo… innleng tualrawn ah an khat ih.. nauhak tlawmngai thei deuh pawl inn tlun ah tla an khattheh a si.

    Curuangah mipi a suakkhawmtu hi 1000 ihsin 1500 karlak a kim ding.

    Kum dang ahcun zuri buainak a tam ruangah puai theh ah Police hnen tiangah buainak rapthlakzet in a um ?heu nan Pathian lamhruainak thawngin Zuuri tihvek hmuh ding hi a um lo, ka nam menmen ti lo cu. Mipi, ahleice in kan Chin ?halai pawl an felzet zo.

    Pathian lamhruainak thawng leuleu in a si.

    Chief Guest le Guest Honor pawl tla program ?heh zik tiang in telpi thei ih a phur um nasa..

    Pathian hmin sunglawi sin seh…

  2. Falam Community an tel lo tivek kan rak thei.
    Ziangruangah?

  3. Chin National Day timi cu Chin Phunsuah Ni kan ti thei ke maw?

    Hmun khat le hmuh khat ah Thantar kan hman mi hi an bangaw thei dah lo.
    Chin mi in Thantar kan nei lo. Hmang lo lawlaw sehla a thasawn.

    Khaw Za Hnin.

  4. Falam kawmiti an tel lo cu an fim zo tinak a si cu. Hmun tampi ah an tuah vekin hmun tampi ah a hmangtu hnakin a hmang lotu an tam sawn. Asancu, hrekkhat in kan duhzet nan, hrekkhat in kan mai pulepipawl parih kan rak ninghannak le an parih lungawilonak cu nehnak an rak ngah tikah an lungawi tukah mipi ih theih ringring dingih tuahmi a si ti an thei fiang. Ralttha zet in tuah dingih au an um vekin, daiten tuah lo a ttha ngai rak ti tu an tamzet thlang. Ahleice in Pathian hnatuantupawl tla cu an tel a mawi lo sinsin.

  5. ke mah hi Lal le Bawi thawn ka sengaw lo zet ko nan, himi thuahcun ka pi kum 87 in i rak sim dah. An vanglai, an sanlai a siih thuhla a theizet, asancu Falam kiangih ummi kan si. Tawngpa do in miuk le lal hi an rak do, an that lonak um vekin an thatnak tampi cu a um ve ko tiah i sim. Kanmah tiangin in rak vote ter thluh tiah ka pi nih i sim ual. Cuvek ih tuahawk ciamco cu tuisun ah zohman in nan/kan tuah ngam ka zumlo, an rak raltha taktak, cucu nei ngan zi cu a si ko.

  6. Niapte,
    Tui kum Chin National Day ih Falam Union ( Community a si lo),New Delhi a tel lonak san cu ni kum lam ah thuanthu mawi lo a rak um ruangah an ti.
    Cipciar deuh ih thei duh tu cun…
    Falam Union, New Delhi President Salai Van Lal Thlan hnenah nan suthlam thei.Lailun thuthangca ahcun cipciar deuh in suah a si zo.

    A rak suahsemdan thuanthu khalin ka lung i len ve lo e!!!!!

    Salai Star,
    Chin National Day hi kan Chin Phun suahni kan ti thei lo ke!!!!!

    Salai Huiha

  7. Delhi lam ih Chinmi pawl cu an lungrual lo.
    An thu a nawi tuk ti ka rak thei dah..

  8. Niapte
    Thuhla na thei fiang lo a si cu. Delhi CND ah Falam Union ziangruangah an tel duh lo ti hi san tampi a nei. Nikum lam ih buainak a rak um ruangah khal a si thluh lo. San tam pi a um. Hithu i Falam Union in thlatin thuthang a suah mi Lailun Thuthang khalah ziang maw tawk a tar lang ih. Lailun thuthang Editor le Falam Union President Salai Van Lal Thlan le Secertary in an thei fiang tawk in ka zum.
    CDN kum dang ih tuanto la theutu Chin Student Union ( CSU ) pawl thawn tithiamawl lonak a um. CSU pawl an tawngsual mi a um ruangah Community pawl zaten zohman an tel duh lo. An lungawi lo ti lawng in a deuh nawn lo. Asinan an mipi cu feh lo ding in an kham lo. A duhduh feh theih asinan CSU in CND tuahnak dingah Community pawl hnenah tangka a dilmi khal a hrek lawng pe le pe lo lawlaw an um.
    Curuangah Tedim pawl khal Delhi ah Chin National Day a dangten an hmang ve.

    Curuangah CND Delhi ah Falam Union a tel duh lonak san hi thudang a si lo. Ngai sual ding zianghman a tul lo ti thuthang ka thei rori. Keimah rori in ka rak ziangzawi ih tuanvoneitu lam in in sim mi a si.

  9. Hi mi thuhla ah khawruah har nan um a sile ph 9971602788 Delhi ah thuhla suhfiang theih.

  10. India Khawpi ah CND hi kumtin CSU in Initiate a tuah ih Community tinkim thawn lungrualzet ten hlunghlaizet ih tuah a si ringring.

    Mipi au-aw kan theihmi cu “Tukum Chin National Day” cu kumdang vek a si lo.
    Buainak tla a um lo…

  11. Salai Star
    Thu na thei sual cu a si lo ti aw. Ziangruangah CND ah Falam Union an tel duh lo ti hi ka rak ngaihven na sa. Asinan thuhla a rak hnawk deuh hmang e. Falam Union an tel duh lo hi an mawh lo. Thuhla ka thei dan le upa lam le Community hruaitu pawl ka sut dan ah cun Falam lawng an tel lo ti si ual lo. Delhi CND ah Community ih fel mi cu Hakha pawl lawng an si tin ka thei fawn. Burmese Mizo Comm;unity pawl la cu CSU pawl in tangka bawmnak an dil mi a hrek lawng in an pe ih Community hmin in an tel lo tin ka thei. Cun Tedim pawl in le a dang ten an hmang ti a si fawn. Cun Community dangdang pawl tla Community hmin in an tel lo ti a si. Falam Union an tel lo nan a mipi Falam mi le sa pawl feh lo ding in an kham fawn lo. Tukum hi CND ah buainak a um lo hi na ngan dan ah cun Falam Union an tel lo ruangah si vek in na ngan ih Falam Union an tel lo ruangah buainak a lo zawng ih na ruat ah cun na ruat sual deuh ding ka zum.
    Ziangruangah Community in CRC kut ih an pek zo mi CSU in lungawi lo in an long sal.
    CRC in CND tuah ding ih an rel lai ah CSU pawl tla banphar tu ah an um nan a tikcu kim zawngah an lungawi lo.

    Nikum ah CND tuahnak ah buainak a um ih CSU pawl in tuanvo an la duh lo. Hmin that lawng an duh deuh a bang.

  12. Dear unau Salai Biak Mawi

    Hminhtat lawng duh ti cu a si lo deuh ding.

    CSU member ah 2010 ihsin tuni tiang hi ka man caan te ah a cangtheitawk in cangvaihnak ah ka telve ih cutivek thinlungpu hi ka hmu lo…

    Hminthat lawng a duhtu pawl sawn cu CSU hmin phaw ah hmang ih $ ka ngah ahcun tawk tiih tlawngkai duh taktak lo pawl sawn an si ding…

    Tulaifang DU le University dangdang ih Fimnak duh taktaktu Tlawngkai rero CSU member pawl cun a titheitawkten amai titheinak zawnte ah hna a tuan rero…

    Theih ding tha pakhat a ummi cu… CSU in Community pawl vekin a tithei lo mi a um vek thotho in Community ih ti thei lo mi CSU in mawhphurhnak a lakmi tampi a um a si. Curuangah India khawpi dinhmun ahcun Community le CSU hi then a theih lo.

    … huiha…. CT hi FakSelnak hmunpi a si hi maw….

    ummm….. tu ihsin zozo khal… ziangtin kan ram hrangah lungrualten hna kan tuan tlang ding ti sawn ah … kan buai thlang pei uh…

  13. hmmm Tu kum cu buainak tla a um lo ti khin thu in ruat sau ter nasa.

    Ziangvekin falam hi rel mawi awk tum khal seh la, kan mawi tak tak thei theu lo. Diplomatic deuh ih dawrawk tla kan zir a cu zo a bang.

    CND neih loh a tha ti rel tu pawl khi Chin miphun kan tanrual a poimoh zia le kan mipi zate ih kan hlawk pi zia ding theiban tu an si pei maw?

    Culawng silo, CND neih loh ding a tihnung um zia cu Manipur ih unau an rak thah awk theh si khan kan theih ve a cu.

    Computer fimnak san asi zo. Ramdang, hnam dang fimnak ah an zuamawk rero. Zianghman unau lakah relfel thei lo a um kel lo. KAN TUM LE TUM LO thu asi. Halkha a tap asi le Falam le Tedim tap ve seh. Tedim in cawimawinak a ngah asi le Falam le Hakha in ee kan Chin Unau ti in lungawi in Mirang le Midum hmaiah au ve seh. Culawngah kan Market a kau thei ding. Cucu kan leitlun fa lei hrang ih nawmnak le lungawinak RO tha bik kan tan thei mi umsun asi.
    *** Pitar Dawithiam vekin misualnak thei ring ring hlah uh si.

    CND hi in tawmkhawm tu asi.

    Van Biak Thang
    MELBOURNE

  14. Tusan ah cun mah personal ih lungawi lonak ruang ah mipi hrang ah thuktak kautak ih thuruah lo in thilti san a si nawn lo.

    Cun online khal ah siseh a leng khal ah siseh thuruah nak kau tak le fimnak thawn thu a ruat lo ih kan laitlaang ih inn 100 hrang hrawng lawng thu kan rak ruah vek in thu ruat pawl cu rak au kio in thu rak rel ve rero san hi a si nawn lo in ka thei. Online ah cun duh duh au kio a ol zet, ziang thei lem lo le sau tak le kautak in thuruat thiam lo pawl khal in. Daite um men ding kan thluak a kau tuk lo ah cun.

    Misoisel rero le tlawngta group mah tawk te in thil an tuahmi tla khi an kimlonak a bawm lam le a tuamhlawm lam si lo in mah tu le fate (tlawngta) pawl khal soisel peih rero tu khal hi mi in ziangtin in hmu ti zoh awk a cu. Mah tule fa an kimlonak rak bawm lam le thuzirh lam um lo ih dirhthlak ring2 hicu…….

    A thei lo tu nan um pangle, tukum CND ah Falam lawng si a community zawng ih a tel lo tu cu. A sinan individual in a tel tu an tampi. Zanniat khal an zaten an tel. Community dang an tel theh. Tedim cu anmah Zomi National Day ti in an hmang mi a si. Tedim cun anmah ten hmun dang ramdang ah tla hitihin an hmang theu. A poi ah ruat ding a si cuang lo. Thil hi control theih le theih lo a um ruang ah.Tha kan ti daan in tuah cio a si. An upa hruaitu pakhat kha zate tuah tlaang mi 64th CND ah cun Guest of Honour a tuan ih an President khal in reception ih toding fala tlangval tiang hmang bawm ding in in hawl sak rero.

    Thuruah daan tampi a um. CND ziang a siar lotu tla kan um thei. A poi lo. Nan hmang peih lo khal le nanmah ruahdaan cio a si. A tha ko. A hmang duhtu belte kha va soisel a tulnak a um lo.

    Mino pawl hmailam ah thiltampi an ti sinsin theinak ding in bawm hai uhsih. midang pawl an mino an cawm an hlawm ih hmailam hrang ah thusau ruat in thil an tuah rero san ah aa tak tak in dirhthlak leh soisel lawng lawng tum nawn hlah uhsi.

  15. Dear Salai Biak Mawi,
    Ca na ngan dan ahcun miphun ngeihventu pakhat na si ve in a lang. A sinain, Na ca nganmi siar tik ah na rak theihmi hi a dikmi pakhat hman um ual lo.
    kan zoh ke na ca nganmi ah;

    1. tukum CND cu Hakha Community lawng an tel ti thu…
    2. Falam Union an tel lo nak san na theimi thu….
    3. Burmese Mizo Community nih paisa a zaten an pek lo thu….
    4. Zomi(Tidim) pawl an mah ten CND an hmangmi thu…
    5. CRC kut ah CND tuah ding pek zomi CSU nih an long sal ti thu…

    Thu hi tampi cu na rak thei ve a si hi. Sinan khimi pa 5 sungah pakhat hman a dik lo. A poi khawp mei. Hi vek thu hmanlo na rak thei ngahmi cu zaangfak na um nasa. Hi tawk ih lo explain ding ah cun a tam tuk ding. Midang a thei deuhmi na kiangkap hnen ah thaten va sut kual leh sal hnik aw. Na miphun tthatnak na ruat taktak a si le a dikmi thu na thei le tha bik ding. Midang sut ding na thei nawn lo le CSU tla in tong thei. Ready kan si. csu_delhi@yahoo.com ah na duhduh na rak sut thei.

    Salai June
    Chanakya Place

Comments

%d bloggers like this: