Chin Miphun Cazin Rem Thok Sal Rero

chin
Salai Lal Nun Uk

Chin miphun cazin rem le bet ding in Chin santhuanthu thiam pawl le ṭong lam thiamsang pawl tel in an rem rero thu theih a si.

“Tu Chin timi sungah phunhnam 53 a um. A ngaingai ahcun 53 zat a um zik lo. Kan mah le kan mah rori hman a si maw si timi, sim ding kan harsat. Chin ah 53 kan um lo ding ti cu a fiang. Sinan ziangzat kan um ciah ti sim a har zet” tiah 2014 mipum cazin siarnak lam ihsi Chin phunpi committee ih director Salai Isaac Khen in a sim.

Phunhnam cazin rem le bet ding in Chin ramkulh acozah ṭuanvo nei mithiamsang pawl cun rampi tlunlam thuneitu Bahu lam ih mipum cazin siarnak lam thawn an tonawk hlan ah timtuah cianak neih ding hrang ih an rak tuah mi a si. Chin phunphi committee pawl hi, 2014 Chin Phunpi Conference neih hnu ih an rak din mi mipum cazin siar lam lam ih ṭuanvo neitu pawl an si.

Ramhrin miphun cazin rem le bet ding cu acozah ih Bahu mipum cazin siarnak commission in ramhrin miphun palai a pehpar aw mi pawl thawn komkhawm in 2015 November thla hnu lam ah thurel tlangnak an tuah sal leh tum tiin Bahu mipum cazin siarnak commission hnen ihsin thu theih a si.#

Comments

comments

Comments

%d bloggers like this: