Chin Mino Zohṭhimtlak Cungte In US $700 Harsa Tuar Pawl Hrang Bawm

Salai Cungte

Salai Cungte

Chinland Today Media ih neih mi Chinland Today Media Facebook Groups admin ṭuan rerotu Salai Bawi Cung Chin @Cungte cun, Chin ramkulh le Kalay kiangkap ih harsa tuar pawl hrang Chinland Today Team hnenah a hlawhman a khawl sun $ 700 a hlu.

Keimah dinhmun ah tla Malaysia ka rak um laiah hivekin Tilian hi ka rak tawng ve dah zoih, ziangtluk in a har zia ka vunruah tikah, tuih harnak a rak tuar rerotu ka miphunpi pawl ka thinlung takten ka tuarpi tuk ih ka lainat tuk rori. Curuangah zianghman lote si hmansehla, ka neihsun ten bom duhnak thinlung ka nei ih, ka bomnak sanbik cu a si’ tiin a sim.

Salai Cungte hi Pu Ṭial Ceu le Pi Ngun Nei Thluai tei fapa a siih Tamu khua ah suak in Kalaymoy ah ṭhang lian mi a si. 2012 ah USA a thleng ih tu cu Thailand rawl dawr ah hna a ṭuan.

Chin mino ziang maw tizat in mah le neitawk cio in Chin mi harsa bawmnak ah an thawh rero. Tui caan hi kan unau pawl harsatnak an tuar caan a si. Kan mahin kan bawm lo ahcun zo in saw bawm ding. Bawipa in na kut ih thlawsuah a lo pek mi hi ret men lo in miharsa pawl rak bawm ve aw.#

(Visited 859 times, 1 visits today)

Comments

comments

Comments

%d bloggers like this: