Chin Mi Australia Ah Mawtaw In Pah That

image

Tui a dinnak dunglam zin piah vansiat a tong

 

Van Bawi Lian

Melbourne: Australia, Melbourne nitlaknak lam ih um Pu Sai Nawl Ling, 61 cu, April 14, 2015 tlailam ah a inn kiang te ih lampi a tan laifang cu mawtaw in a pah ngah ih a hmun ah a nunnak a cemcih. A ruang hi palik le ruang zohfeltu pawl hnenah a um ih tuisun sml 10:00 ah a thuhla fiang sawn thei dingin Chin Community Victoria hotu pawl in an tawlrel pi ding.

Pu Sai Nawl Ling 2013 ah New Delhi ihsin an pafa rual in Melbourne khawpi ah an ra thleng. April 20, 2010 ah a nupi in New Delhi an um laiah a rak tan san.

‘A thihnak ding theihthei dingin ziang tin hmanin a um dan pawl danglamnak ziang hman a neilo. Sinan tulai cu a lungleng zet vekin a um in ka thei’ tiah a fapa Van Bawi Thawng cun a sim. ‘Tui’ thla ni 20 hi ka nui’ in tan campha a siih, a thinlung in a tuar na zet tla a si ko ding. A leng ahcun langhngan zet cun a um lo’ tiah a sim bet.

Tlailam sml 7:00 hrawng ah a suak. A um pi a tuupa le a fanu in a umnak an hawl nan an hmu thei lo. Cutin zan sml 12:00 hnu ah palik hnenah a cincang simnak an neiih an pa cu an inn kiang ih mawtaw cangsual ah a nunnak a cem thu an rak sim.

‘Mawtaw cangsual umnak hmun vei 2 rori kan va tan. A mah a si ti kan theilo. A but hruh mi te tla cu kan hmu. A pahtu pa hi Asia hmel pu a siin kan thei’ tiin Mai Sang Men Hniang cun a sim.

Tui mawtaw ih a pahnak hmun hi an inn ihsin meter 50 tluk hla a siih, an inn hmai plaza dawr ih feh tlunglam cangsual a si ding zum a um zet.

Pu Sai Nawl Ling hi Zalai khawsuak a siih fapa 1 le fanu 1 a neiih a tuupa 1 thawn an khawsa. A thuhla pawl hi Chin Community Victoria le a lawinak Grace Community Church pawl in an buaipi ding.

Cansual ruangah Melbourne mi pathum an thihnak a siih, Tlangleng ih pahthat, Tidai ih tla le tui’ta mawtaw ih pahthat pawl an si. Melbourne ah Chin mi nisuahnak le nitlaknak lamah an um veve ih, nitlaknak lamah mi 5000 lenglo an um ding tiah zum a si.#

Vansiat a tonnak mawtaw lampi traffic a si.

(Visited 2,005 times, 1 visits today)

Comments

comments

Comments

%d bloggers like this: