Chin Mi 1300 Lenglo Mizoram Ah Tlan : AA Zo An Si?

Myanmar ralkap le Arakan ralkap (AA) pawl an kahawknak ruangah Chin mi khawte ih um mi 1300 lenglo pawl cu Mizoram ah an tlan tiin India thuthang in a tarlang.

Paletwa le Rakhine ramriih kahawknak ruangih tlan an si tiin Hindu thuthang cun a tarlang. Mizoram Lawngtlai kiangkap ah tlanin beunak hawl ah an vakvai titla in thuhram laknak cun a tarlang. Lawngtlai thuneitu pawl ih an sim dan ahcun hivek ih Chin mi pawl an ramsung ah tunai te ih an tlan luh hi a vei 4 nak a si titla in a tarlang.

Myanmar thuthang tuum le rinsan tlak a simi Irrawady le eleven cun Ralkap pawl le Arakan Ralka pawl an kahawknak ruangah, ralkap lam mi 11 in an thih phah ih hliam tuar mi 14 an um tiin November 9 ni ah an rak tarlang. An kahawknak hmun tiih an tarlang nak cu Kaldan Tiva kiangkap ah a si tiah theih a si.

Kan dungkum ihsin Arakan Army pawl hi Chin ramkulh ah um hmun khuar in an cangvai thok. Hi tiih an cangvaihnak thu ah CNF pawl in Chin ram ihsin tlansuak dingin an rak nor ve dah zo.

Tu naite ih an cangvaih salnak thu khalah CNF hotu lak ih pakhat Dr. Sui Khar in theitawp suah in kan nor tiin a ti. AA ralkap pawl hi 2008 ih ding mi an siih Rakhine mi pawl hrangih mahte dinsuah zalen theinak ding hrang tumtahnak thawn a dingtu ralkp bu an si. Kachin Independence Army pawl thawn lamṭang tlang in an um ih an ralkap hrekkhat tluk khal Kachin pawl ih zirh mi a si tiin thuhram laknak cun a tarlang.

A umhmun hrambunnak ngaingai cu KIA pawl ram a si nan an cangvaihnak pawl cu Kyauktaw, Mrauk-U le Rakhine ram ih Myinbya, Chin ram ih Paletwa lamah a tam.

The KIA, AA, Ta’ang National Liberation Front and Kokang-based Myanmar National Democratic Alliance Army comprise the Northern Alliance, none of whose members signed the 2015 Nationwide Peace Agreement.

An ni pawl hi KIA, Ta’ang National Liberation Front le Kokang ih hrambun Myanmar National Democratic alliance Army pawl thawn kutsih khawm in Northern Alliance tiah an ko aw ih an zaten 2015 ih Myanmar Ram ih kaihdaih lungkim khawmnak, National Peace Agreement khalih a tel duhlo tu pawl an si.

Shan State Hluattaw cun hi Northern Alliance pawl hi “Terrorist Organisation” tiin kan dung kum ah an rak ti dah hngehnge.

REF : Hindu, Forntier Myanmar, Irrwaddy

(Visited 111 times, 10 visits today)

Comments

comments

Comments

%d bloggers like this: