Chin (Lai) Laam Cangkang Ter Nak

BY: VB. Muan

lai-laam1Minung a si ta pauh cun phun leh hnam Cin leh Dan kan nei theh. Kan Chin mi pawl khal in phun leh hnam dan kan rak nei ve ih, kan duh ah siseh duhlo ah siseh kan phun leh hnam dan cu kan rawng bangin kan ken kawh a tulin kan uar a tul ti cu theih cio mi a si. Cumi thu ah kan ruah ding ih ka duhmi cu, kan Chin lam (cultural Dance) leh awn mawi thu hi ruat hnik sehla ka ti a si. Tui kan chin lam puai nikhua ih kan zoh theu mi, phi umphu phi umphu tiih kan lam theu mi hi a thawk ih sin a tawp tiangah tih dan leh zoh ding lamdang step vek khal nei lo a si ih zoh tlak leh uar tlak a umlo.

Kan Chin pi le pu A, AW, B zianghman theilo leh thiamnak neilo te an rak si laiih an lam nawm nak arak siih, a tu san thar nonawn pawl in a kel ringring silo in, anuh pingia a (watana)tuimi nonawn mithiam kan neih mi tipawl in santhar Chin lam khawvel ngam khawp ih lam cangkang phuah vivo sehla a tha lo ke maw? Cumi hrangah khawtin in zuamawk nak Chin Amiota puai, fanger puai, tivek ah tla tuah sehla a tha zet ding tiah saduhthah nak vun bet sehla.

Tui kan unau mizo pawltla an Cherawkan lam khi vun zoh sehla a hla khal an phuah vivo ih a lam step khal a phunphun an phuah vivo ih cangkang zet in an Cheraw kan lam khi an cawi sang( kawl dan cun Hmintin) (develop) vivo a Cun kan kawl pawl khal khi an lam an phuah bet vivo. Kan nih teh santhar thawn milin ticang kang sehla a tha lo ding maw. A silo len kum le khua kan chin lam hi a kel ringring in maw! kan hman ringring ding ruat ciau uh si.

Comments

comments

Comments

%d bloggers like this: