Chin Kum Thar Macau Ah Hmang Ding

Chinmi

Macau um chinmi khawmawknak park

Tui zarhpi October 19 ni hi Macau um Chinmi pawlin Chin Kum Thar an hman tum thu theih a si.

Macau ah khal Chinmi kan karh vivo thlangih pawlkom dingin Pathian thangthat tlangnak neih thei a si zo. Hitin pawlkom a dinnak hi thla li fang lawng a si hrih. Asinan Chin nithla kum siar dan in kum vui caan hi urhsun in Chin Kum Thar hman an tum thu theih a si.

Macau Chin Pawlkom hruaitu lakih pakhat Mai Thiante cun Chin Kum Thar an hman tumdan ah “11:30am-12pm ah khawmnak kan nei ding.. Cumi Pathian thu in si tu ding hi Salai K Thangte a si ding. Rawl-Pawlkom in Chin mi inn sangkhawmnak ah rawl kan suang ding. Voksa le arsa kan lai suan in, ,rawlsuangtu ding khal Salai mipali le Mai mipali kaih a si ih,hunserh hmang thluhhnu 1-2pm ah a ra suaktu zaten rawl ei khawmnak kan kan nei ding.” tiin Chinland Today hnenah a sim.

Mai Thiante cun an tuahnak ding hmun le khawm țheh hnuih caan hmandan ding rel phahin an fellowship hi Macau ram dan loih um a siih.khawm khal thin aphang țheu thu pawl a sim.

“Ahmun hi Victory Garden a si,sun rawl kan ei țheh ihsin leknak a phunphun kan tuah ding. Leknak hohatu ding hi Keimah le Salai Henry Siang.kan si ding ih lehnak a phunphun tuah thluh ah kan Pipu ih fanger an rak hman dan thu le mino hnen ah thucah forhfialnak salai Henry Siang in a nei ding. Zanlam 7pm tiang a si ding” tiin Mai Thiante cun CT hndenah a sim.

Macau um Chin Fellowship(CCFM – Chin Christian Fellowship Macau) in an ram ih siannak le licence lak theinak/bawmtu khal an țul thu member fee, monthly fee tivek an khawng awk rero thu le an ram dan loih Biakkhawmnak pawlkom um an si ruangih palik hnen ah report thei an si thu pawl khal Mai Thiante cun a sim bet.

(Visited 506 times, 1 visits today)

Comments

comments

Comments

%d bloggers like this: