Chin Kum Thar China Ram Macau Ah Tluangten Hmang

MCC
Macau, China ram ih um Chin mi pawl cun October 19, 2014 ah Chin Christian Fellowship (CCF) ih kaihhruainak in Fanger puai cu hlunghlai zetin an hmang tiin Chinland Today cun thu kan dong.

Pathian biak khawmnak neih a si hnu ah Fanger puai cu pawlkomawknak lehpannak le khat le khat nelawknak thawn an hmang. ‘Aliamcia kum 2 hrawng lawngin Macau ah Chin mi kan um thok ih mi kan pung zet thlang. Hmunkhat te ih hivek ih um khawm hi a sunglawi kan ti hleiah kan hmai khal a hngal phah zet.’ tiin Salai Thian Lian Ce cun a sim.

“Tuițum Chin Kum Thar kan hman hi nuam kan ti in kan hlunghlai zet. mipum 70 lenglo kan suak thei. Kan lai suandan ten rawl khal suangin kilkhawm a siih nuam kan ti in a sunglawi kan ti tuk. Atu pawlkom kan dinnak thlali sung a lut fang lawng a si hleiah pawlkom tivek ih mi hruaitu si dah lo tete kan si tikah baibahnak cu tampi a um ko. A suak thei dah tuk lo tete khal an ra suak thei ih kan nuam tlang nasa” tiin puai ih ei-in le khokheng lam țuanvo latu Mai Tharte cun Chinland Today hnenah a sim.

Zing khawmnak ah Salai Henry Siang in Chin Kum Thar thuhla, hlan kan pipu pawlih rak hmandan thuanthu tawi simnak a neih thu, lehpannak ah Mai thiante le Salai Henry Siang in an hoha ih an nuam lang zet thu khal Mai Tharte cun a sim bet.

(Visited 355 times, 3 visits today)

Comments

comments

Comments

%d bloggers like this: