Chin fala kum 18 mi vangsiat tawng!

C.T./16-01-09: Kalaymyo, Satawm khua ih um Pu Chhanliankhama le Pi Lungmuanni ih fanu kum 18 mi Lalthansangi cu India khawpi New Delhi ah (refugee) raltlan sinnak dil in a um.

Ruahlopin tui zan 16-01-09 nazi 10:30Pm ah “Firday Bazaar” timi zaan bazaar ih a rawl hmeh lei, a inn lam pan ih a tlunglam; laampi a tan zawngah Bike cak zetih tlan cun a sawh ril. A lungphang le luzing ih a tluk lai fangah Car cak zetin na tak in a sawh bet sal.

A hna in thi tam zet a suak ih biak theihlo in a um. Vanthat ah cu ti vansiat a tawnnak hmun cu kan kawlrammi an tambiknak hmun pakhat a rak si. Kan kawlram mi cu cawp le cilh in an pung khawmaw ih palit hnenah an buainak pawl an thlen lohli. Palik pawl cun Car driver pa cu an kai tang cih, asinan Bike driver pa cu a tlan hlo man.

Kawlram mi pawl cun Fala Thangsangi cu a kiang naibik Mata Channan Devi Hospital ah an tlanpi cih. Asinan sayamah le sibawi pawl cun “Police case” palit ih theihpimi case a si ruangah cu tawkih um ding in an sian lo. Cutikah a rang theibik in Acozah Hospital DDU ah an tlanpi cih.  

A tu fangah zato ih sayamah le sibawi pawl in an enkawl ih a dinhmun theih a si hrihlo. Delhi ih raltlan hrek khat cu mawtaw ih sawh, tla that, vualvelh tawng, nautat le harsatnak a phunphun tawng ih mual liam khal an um hnuaihni zo. 

(Visited 71 times, 1 visits today)

Comments

comments

One Comment

  1. CT le Siartu Zate’n,

    Laimi thawih pehtlaihawmi thuthang (Chin related issue & News) pawl hmakhat ten nan rak than theiih nan ti ttha zet. Hmailam khalah Media lamih tthangso sinsin dingin ka lo duhsak zet.

    Cumi rualin, ka ti daan keel (zia) te’n, duhsaknak le hihnak ttha sinsin ding duhhamnak thawn mallai run lo ruah ka duhmi a umih, tuhlan ihsin rak ngan ka tum ttheu nan, tu lawngah vun lo ruah sehla…

    Tu ttumih thuthang nan nganmi thawn pehpar in, Standardize deuh daan ding ruatkhawm hnik sehla (Atu ih nan suah daan hi standard a neilo tinak silo in, a sang sinsin sawn theinak dingah….) Thuthang pakhat khat kan suah asile, a Headline (HL) kha cu tawi famkim theibik asi ringring ding…. tthimnakah tu ttum thuthangah cun, nan rak hmanmi ‘Chin fala kum 18 mi in vansiat tawng!’ timi hi a famkim zet ko, asinan ‘Delhi ah Chin fala kum 18 mi in vansiat tawng!’ tiah ‘Delhi ah’ timi te telh beet in vun ngan uhla a siartu nih, a HL lawng a siar in khuinah zo in ziang a cang timi kha tawi famkim ten a thei dingih a theihbet duh zawng asile ‘Siar beet’ / Read more- Detail leh mai ding.

    Cun, NEWS Structure ah, HL sangtu ih thupi zetmi cu ‘NEWS MC’ lole ‘NEWS LEAF) an tiih, cumi cu, HL ttheh ah a thupi. Tthimnakah, atu ih nan nganmi ‘C.T./16-01-09: Kalaymyo, Satawm khua ih um Pu Chhanliankhama le…….’ tinak zawn ahhin,

    C.T./ 16-01-09, New Delhi: Mizan (Friday…) nazi 10:30 hrawngah khan, Fala. Lal Than Sangi rawlhmeh lei a tlun lamah mawtaw in a taihih, a nunnak hrangih thinphan um khopin a besia.

    ti sawn sehla.. Cun atu News Leaf ih nan hmanmi ‘Kalaymyo, Satawm khua ih um Pu Chhanliankhama le Pi….’ timi khi cu, a cemnak lam (A kharnak) ngan tel thotho siin, N. Delhiih Chin raltlan pawl um tamnak ahhin, zarhkhat ah vei khat lawng (hmun hrekkhat ah vei 2) hanghnah hangrah zuar an umih, cuhman ah zaan lawngah zuar asi ttheu thu khal telh a ttha. Ziangah tile, ram hla hmun hla ih um pawl in zaan bazar kan neih daan hi an theithiam thluhlo menthei.

    A tlunih ka rak tarlanmi ahkhin, Lalthansangi ti aiah, Lal Than Sangi ti’h ka ngannak san cu, Chinland Today hi Chin Official tong/ tawng hmangmi site asi ruangah, Chin Official style ih ka rak ngan ve nak san asi. (Asinan himi hi cu, CT- Ed ih thuthu asi ko). Mai’h thu cu si sehla, ‘Kan kawlram mi cu cawp le cilh in an pung khawmaw ih…’ timi zawngah hin ‘Hi’h hmunih um Laimi pawl hmakhat ten an rak suakkhawm lohli ih….’ ziang a bang pei…….

    Keimah khal tlaksamnak tampi ka neiih, in rak khihhmuh ttheu uhla, cun ‘Ka thiam… ka thei… tiih saya ttuan duhnak lam silo in, ka theihmi umsun tete hi ka mino pii pawl hlawm ve sehla tiih ka nganmi sawn asi. Himi hnakih tthattha tidaan khal tampi a um lai ko ding, cumi vek a theitu cun, pamhmailo te’n in rak hlawm ve uhla, ule / pale pawl khalin, mino pawl hiti’h kan cangvaihnak zawn ahhin, thazang pek kan ttul rualin, tlaksamnak khihhmuh sak awk khal kan ttul zet timi theihpi in, ttan la khawm dingin ka lo sawm duh.

    Cun, CT ih ttuanvo neitu hrekkhat hi hinah ah naule vekih ka zoh hngaimi nan um hnuaihni ruangah le, tthansohnak duhtu nan siih, hivekih khihhmuh hi nan hualo ti theifiangtu ka si ruangah ngam zetin ka rak au-kio venak san asi. Groupmail ih ka thlahnak san khal cu, rual le pi, ule/ pale pawl khalin rak siar in, lamziin in khihhmuh vingvo seh timi ruahsannak ka neih ruangah asi.

    Duhsaknak thawn,

    BenHur S. Lyzo

    Na raalpa (Foe) ih lo hnammi (Kiss) cu a Khaa (Bitter) ih, Na rualpi in duhsaknak thawi’h a lo bengmi cu na hrangah Khuaitizu vek asi.

Comments

%d bloggers like this: