Chin Khristian hrang har sinsin

28/01/09: Human Right (Milai covo humhim tu pawl) ih thusimnak vek in, Kawlram cozah ralkap hnasau betu pawl cun, Chin mi pawl nasa zet in an do hleiah, hnatuan hrim ter, hremnak phunphun pawl thawn ttam tuar rero Chin pawl parah an tuah. 

New York Human Right pawl ih suammi thuthang pakhat cun, ‘Minung thawng tampi cu ram harsatnak le ralkap pawl nautatnak tuar thei lo in, ramri India, Thailand, Malaysia tivek ah International law (Leitlun dan) hnuaiah raltlan siin, humhim nak an hawl a si’ tiah a sim.

“Hi ram that salnak ding ah, India in nasa zet ih hmailak nak a neih a tul a si”. Mi tam zet cu, hremnak an tuar hleiah, thiamlonak nei lo khal thawng thlak an siih, lamzin laihnak le ralkap pawl khualbuk remthatnak ih tuan hrim ter deuh bik an si.

Khawte um pawl cu ralkap eiin ding hrang an neihsun an pek mi cun raltlan sinak a thlen thu khal thuthang cun a sim. 

Khawpi ih um pawl khal nasa zet in an khawmnak kham sak an siih, a hleice in bulpak inn ih khawmnak le phei cu khoh zet dan tuah in, kham an si. Bible tlawng lam khal in nasa zet in harsatnak an tuar.

Comments

comments

Comments

%d bloggers like this: