Chin Information Centre for Terminology (Chin Infoterm) A Ding

By: Salurop

Chin Information Centre for Terminology (Chin Infoterm) cu 16 March 2012 zan ah Tahan ih Pancy Lakphakdawr dot tlunta ah Chin tong pitlinnak hrangih hmarngai suah `ten`to a huamtu `thenkhat tongkhawmaw in an rak din tiah kan thei.

Chin Infoterm ih Secretary-General Salai Jesse Penn-lewis cun hma an lak dan ding thawn pehpar in, “Chin Infoterm hin Website pakhat tuah in Termonology an duansuahmipawl cu website ah Mirang, Kawl, Chin timi `tong pathum in a tar ding.

Himi ah bulpak in siseh, pawlkom in siseh terminology lam ih an rak hmanciadan, an duhdan, an hmuhdan tivek a phunphun kha Infoterm website ah tarlang cio dingin sawmnak a tuah ding. Cumi ihsin Chin Infoterm cun Chin mipi le mithiampawl ih hmuhdan lakhawm in belhcian dawlbik ih a ruahmi kha a hril ding,” tiah a sim.

Cule, “Kan tumtah mi pawl cu

  1. Chin `tong `thansoh-pitlinter vivo;
  2. Zirthlurh`tong (terminology) hmandan thuhla ah bangrepte le kalhmang nei deuh ih kan hman vivo theinak dingin;
  3. Zirthlurh`tong lam ih harsatnak a tongtu zirhtu, zirtu, ngantu, siartu, simtu, ngaitu pawl a remcandan ih bawm dingin;
  4. Zirthlurh`tong lam ih a thiammipawl `tankhawm-`tuantlang thei dingih `tan la dingin;
  5. Chin `tong thuhla ih thuneitubik cu Chin miphun an si zia, `tuanvo neitu khal Chin miphun an si zia, Chin `tong a `thansoh-pitlin vivo theinak dingin mipi hmuahhmuah in `tuanvo kan neihzia tivek mipipawl theih-harh-nak pe dingin;
  6. Kan Chin `tong hi thuhlawm (subject) a phunphun hrangah mawihnai zetih hman a theihmi si thei dingih `tan la dingin;
  7. tong pitling zet kan neihnak ihsin Chin Identity  mawi sinsinter dingin,” ti pawl a si tiah Salai Jesse cun a sim bet.

Chin Infoterm Board Member pawl cu;

Director-General (Salai Siang Lian Uk @ Kianghrol)
Secretary-General (Salai Jesse Penn-lewis @ JC Kipling)
Web-Director (Salai Lal Tin Khum @ Vang-ar)
Web- Secretary (Salai Ram Lian @ Lianno)
Director (Historical Terms) = Salai Mang No Zik
Director (Political Terms) = Salai Lal Pek Tluang
Director (Medical Terms) = Dr. Than Bil Luai
Director (Theological Terms) = Salai Lal San Luai @ Papu Luai
Director (Technical Terms) = Salai Bawi Uk Thang
Director (Linguistics & Phonetics) = Rev. Khar Thuan
Director (Literary Terms) = Salai Siang Lian Uk @ Kianghrol
Director (Chemistry) = Salai Kim Khai
Director (Mathematics) = Salai Zar Zo Lian @ Joete
Director (Physics) = Salai Jesse Penn-lewis @ JC Kipling
Director (Biology) = Salai Van Biak Luai
Director (Geography) = Salai Kei Lian Uk @ S. Kei Uk le
Director (Economics) = Salai Lal Run Suak le pawl an si ti in kan thei.

Thuhlawm pakhat cio hrangih Director an hrilmi hin anmah thawi’ `tuan tlang thei ding bik ih an ruatmi minung hrilin Committee din theih a si. Cui Committee cu Chin Infoterm ih tonkhawmawknak an tuah sal hmaisabik ah zohfelnak nei in nemhnget ding a si thu tla kan thei.

“Chin Infoterm hi kan Chin miphun `thansohnak hrangih sir khatte ihsin `tanlatu a si thei ding ruahsan in kan dinmi a si. Chin miphun `thansohnak hrangih `tan a latu hmuahhmuah thawn network phun in `tuan tlang kan duh. In bawm hai ding ih; kannih khal in an `tul can ah kan bawm ve ding.  Chin mipi hnen ihsin kan ngahmi fimnak phunphun le leitlunhuap fehdan phunphun khaikhin vivo in Chin miphun `thansohter kha kan tumtahmi pakhat a si.

Bulpak siseh, pawlkom siseh ‘Keimai thu a lal lo ding hnak cun kan miphun cu `thangso hrih lo mai seh’ timi thinlung a pulotu hmuahhmuah in bawm cio dingin kan lo sawm. Cun Theological Terms hrangih kan `tul makmawh Chin `tongih Theology cabu `tha`tha 20,000/- man lai in pehlantu Rev. Khar Thuan parah simcawk lo lungawinak kan nei. Hmailam ah thuthang cahmaipawl hi kan hna`tuannak ding hmun a si ruangah nannih thuthang minungpawl khalin in rak bawm dingin kan lo dil,” tiah Chin Infoterm ih Director-General Salai Siang Lian Uk @ Kianghrol cun a sim.

(Visited 78 times, 1 visits today)

Comments

comments

9 Comments

  1. David Nun Tho says:

    Duhdawtmi Chin Inforterm,

    Nan zaten nan tumtah vek in Pathian in hlawhtlinnak lo pek vivo hram seh tiah saduh ka that asi.

    Terminology (kilkip) Chin ttong rori ih ttong, ngan le hman ding kan nei maltuk ngai. Hitivek danglamzetmi thuthuk na phorhsuak thei cu lungawi um tuk.

    Failing Forward timi tongfang te thawn thazang ka lo pek duhbet.

  2. Nan ti tha a si.
    Hruaitu pawl nan ropi thepthep nasa.

  3. Nan ti tha tuk.

  4. Zodai Zilthli says:

    Lungawi um riai. Nan tumtah mipawl Pathian in kan miphun le ram hrangah kimter hram seh.

  5. A tha ka ti tuk. Hruaitu pawl, kan Chin tong, Chin miphun, Chin mipi Duhdawtnak nan nei mi par ah lungawi nak ka nei. Nan saduhthah mi pathian in lo hlawhtlin ter hram seh…,

  6. Lungawi um na sa. Tan la sinsin uhsi.
    Hmailam pan vivo kuhsung…

  7. A tha ka ti na sa…..Hivek Chin mi mah tong te ngai na ti cu Miphun kan duh dawt ti nak khal a rak si cih ve. Khua a hlum in thla khal a muang ..Hi vek te te cang vaih nak hin ……a ra tlung hrih lo tu kan Chin miphun pawl tamzet cu a hngor ban vivo ding ti in ruah san nak thawn……..ephraim

  8. Mai Far Men Par ih Lai Mino Hung Tholaw tiih a rak au rero mi kha, tucun a lang deuhdeuh thlang a si hi. Salai Sen Ro Sang thawn mizan ih calai thu kan titi rero ah, Kirlungz pawl ih laica ih term an leh thiam zia kan ti rero. Word pakhat hi, mirang khal in siseh, kawl khal in siseh, a rel duhmi le a sullam kan theih keukeu mi khi, kan lai tong ih kan pol tikah, catluan (sentence) pakhat lai ih rel a tul theu ih, Kirlungz pawl cun fangkhat te in an pol thei hi a mirang khal, lai khal an thiam tuk ti a lang ter. Tuvek ih Chin Infoterm an ding sinsin hi cu thazang ka ngah lawlaw. SalaiMai Entertainment in a sawrbok vio ding. Tong kan leh tikah, laitong ih pol thei lo mi kan nei tam theituk ih, a umcia khal um hrih lo nan phuahmi khal, thatho zet in kan hmang vialvo peiuh tiah.

  9. Lungawi thatho zetin hi ca ka siar rero,ruahsannak khal mi a pecih,Pathian in cak vivo ter hramseh law.

Comments

%d bloggers like this: