Chin hla relkhawmnak nei zo

CT/New Delhi, 14 March 2009

aaDelhi Lailun Foundation pawl ih hohanak in tuini 14 March 2009 nazi 3:00 ihsin zanlam naza 5:30 tiang Delhi tlang ih a veikhat umnak “Chin hla relkhawmnak” cu BCRC Hall ah tluangte in an nei thei. US ihsi Pastor Ezra Lal Nei Thang in kan Chin hla phuah daan le hla um tu daan pawl sim relnak a nei.

Delhi ih kan CT palai ih sim daan vek a si le, a suaktu mipi pawl khal hlaphuah le awnmawi lam ih thaw zet pawl an si tin a sim. A sim vivonak ahcun Pastor Ezra Lal Nei Thang lawng siloin mipi lam khalin kan Chin hla an hmuh daan le an ruah daan pawl sim relnak an nei.

Pastor Thang ih a sim mi bik cu ziang tluk in hla in hmuar a nei, ziantivek in hla an phuah, ziang ruangah hla an phuah, pupa hla pawl tulai thangthar nonawn in ziangah kan sak nawn lo tivek a phunphun thlir letnak a nei. Mipi lam khal in thusuhnak a tam zet.

Culawng siloin kan Chinmi nunau hlasak thiam le hla phuah thiam lakih mi langsar zet Mai Dorcas Eng khal in hi “Chin hla relkhawmnak” ah a tel ve. Saya Sui Nei Piang khal kan pipu hla pawl le tulai nonawn hla pawl le hla ih a thupit zia pawl sim relnak a nei ve.mipi

Cun, Dr. Run Bik khalin thucahnak le fuitporhnak a nei. Mipi suak khawmtu pawl hi hla atcih pawl an si vekin an thurel a cem thei lo tin kan palai cun a sim. Seminar kai tu pakhat tla cun “Ka zum ai in hla ah kan Chinmi kan rak thaw zet” a ti rero.

Delhi Lailun Foundation hotu lubik Pa Ngin Za Pum khal in ruahnak hnak ih mipi an tam thu kan CT palai hnen ah a sim. Hi tawnawk khawmnak ih an relmibik hi ziangtin hla kan phuah thiam ding, mirang (western) awnmawi kan cawng tuk maw, kan Chinmi teh hla lam ah ziangtluk kan thangso timi pawl hi a si.

Comments

comments

Comments

%d bloggers like this: