Chin Hill Resettlement Concert Tuahtum Mi Ih An Logo Simfiangnak An Nei

Chin Hill Resettlement Concert

Chin Hill Resettlement Concert

Chin ramkulh ruahtam ruangih tualto siatralnak pawl tundinsalnak hrang awnmawi thawi sumpai hawlnak tuahtumtu Falam Phunsang Tlawngta Pawlkom, Kalay pawl cun, hi mi hrangih an tuah mi hminsinnak zuk simfiangnak an tarlang.

An zuk tuah mi cu ‘Mit khatlam ihsin a thiangmi mitthli for lai’ a si. Rong phun ngan thawn hi mitfang mawi zet an ceimi cu; dawhhlei rong in Leilung a hmuhsak ih, a pawl rong in remdaihnak a tak ih a um mi asilole hmunsang nuam, a remcang sawn mi ti a hmuhsak. A dungthlam ih a hring rong cun Chin miphun pawl kan umnak ram hring dildel mi ram; umnak ding hrangih duh um za, hmun nuam a sinak a tarlang. Mithmul cu tlang pianhmang in vekin a umter ih cumi cun lamzin min ruang le inn cim, tlang cim ruang ih kan unau Chin mipi, laicin pawl harsatnak an tuar mi pawl le an zonzainak pawl a hmuh sak tiah FPTP hotu Salai Van Thawng Thang cun a sim.

Chin Hill Resettlement Concert tiih tuahtum mi hi December 15 zaan ah Tahan ih EFC hall ah Chin mi lakih hlasak thiam pawl in zaihla saknak thawn mipi an kokhawm dingih sum hawlnak an tuah ding.#

Comments

comments

Comments

%d bloggers like this: