Chin Famine Aid Concert hlunghlai zet in nei

 Melbourne, Australia, February 14, 2008

1Chin Famine Aid Concert, Melbourne, Australia ti Angki hru tu pawl cun a ra suakkhawm tu pawl cu pan  siamso ten hmuahnak an nei. Australia um Chin mi pawl cu Boxhill TownHall ah Laitlang ih hlasak thiam Cung Lian Thawng, Mizoram ih Youth Icon paruk (6) nak ngahtu Mi Mi Lal Zam Liani le Melbourne um Chinmi hlasak thiam pawl ih an hlasak ngai duh men lawng si lo in, Laitlang ih Paam ruangih harsa tuar pawl bawmduhnak thinlung thawn Chin Famine Aid Concert zoh dingin an pung khawm.2

‘Tu zan tluk ih laimi kan pungkhawm hi ka theidah lo’ tin Melbourne kum 5 lenglo a rak um zotu Chin upa pakhat Van Lian Hu cun a mangbang, lungawithu a sim. Chin Famine Aid Concert hoha tu David Ca Lian Thang khal cun ‘ka zumnak hnak in mi kan suak tam, Pathian zangfahnak in kan hlawh tling zet’ tin a ti ve.

100_19461Chin Human Right Organisation ihsin Victor Biak Lian cun ‘hi Chin Famine Aid Cocert hi leitlun hmun tin ih tuahtum a si thu khal a sim ih Australia ih meikang ruangih harsa tuartu pawl hrangih Chin mi ih kan tuar pinak thu le kan riahsiat pinak thu a simih, mipi pawl in ninghang tuartu pawl riahsiat pinak ah canglo ih cawlhnak minute 1 sung neih a si. Chin mi lawng si lo in, Melbourne ih Chin mi a duhdawttu Australia mipi ziang maw tizat khal cun an tawiawm ve. Chole,  cun ‘ Chin mi hi tluk in awnmawi/music lamah nan rak thiam in nan mak ding ti ka rak zum lo, hlasak tu khal an thiam ka mangbang rori’ tin CT palai hnenah uar zet in a sim.

100e199621Melbourne um Chinmi 700 lenglo in hi concert nak hi an zoh. Mizoram hlasak thiam MiMi Lal Zam Liani cun Melbourne ih ka hlasak cu a danglam ce nasa, ka rin hnak in stage tlun ka thlen in mipi ih thazang peknak ka hmu ih, ka phur zet ih ka nuam aw zet’ tin a sim.

100_19391Ka zumnak hnak in mipi khal an suak tam ih Laitlang ih harsa tuar pawl an lainatnak a tak rori in an ti lang’ tiin a CT palai hnenah a sim bet. Van Lal Fela, Mizoram ih Gospel hlasak ih hmin nei khal cun Pathian hla si lo, duhdawtnak lam hla khal si lo ka voikhat saknak a si, ka zumnak hnakin ka sak tha zet in ka thei aw a ti ve. Fela hin Teuh Lo Mai timi hla a sak ih, ‘Chinmi le Zo hnahthlak tlangval le fala sualnak ih thiar filim awk ding kan siih thudik tan ding kan si ti duhsan in ka saknak a si’ tin a ti.

 

100_19791Cung Lian Thawng khal cun ka zumnak hnak in kan hlawh tlingzet, mipi ih thazang in peknak parah ka lungawi tin mipi hnenah a lungawi nak thu a hlan ve. Zanlam sml 5:30 ihsin mipi pungkhawm thok a si ih sml 6:30 ahcun tonak ding hmun hman um lo rori in Hall sungah mipi khat hmerhmer in an to.

Adelaide le Perth ah nei sal ding an siih Feb 21 ah Adelaide ah Lai Phun Suah ni lawm nak peh cih in concert nak khal annei ding. Perth khalah cun Feb 28 ah an nei sal ding.

Chin Human Right Organisation (CHRO) le World Food Programme (WFP) ih an sim dan ah cun Lai tlang ih khawte 129 tluk in nasa hleice in harsatnak an tuar ih mi 100,000 lenglo in an tuar tin an sim.

 

 

Comments

comments

Comments

%d bloggers like this: