Chin Fala Kuakfawp Mal

Kan Chin (Lai) fala pawl ka zoh rero tikah 2% hman, kuakfawp kan um lo kan ti thei. Tuah lo mi lakih sirawk ding umlobik ah a tling ban ding ka zum. Kan Lai fala, ritheihthil tamzet tham kan um ko nan a kuak kherkher cu, zatlang mikip hmuh ban dingih fawp kan um lo tluk a si.

UK ramsung ih hnaṭuan 58% cun hnaṭuannak hmun ih cawl phahphah ih kuakfawh pawl an huat thu an tarlang.  Curuangah, thusuttupawl ih suhmi minung pali lakih pakhat lawngin kuakfawp pawl le fawp lo pawl nihlawh bangaw dingah a lungkim thei.

Kuakfawp ṭhenkhat pawl cu hnaṭuan buaizet lai khalah an kuak hiarnakin a neh ih minit 10 sung tal cawl lo in an um thei lo. Cuti’h, cawlh phah cun midang relnak ah caan malte an hmang bet ih hnaṭuan caan tamzet a hnuuk tawi ih hleiah kiangkap rualpi kuakfawp lo pawl hrang an rim tuar a har zet tiah zingzawitupawl cun an tarlang.

Laimi tamzet cun kuak kan fawp. Lailam ahcun biakinn sung lo poh ah kan fawp thei.  Asinan, ramdang thlen tikah kuakfawh hin harsatnak tamzet a suahpi thei. Kuakfawhnak hmun lawngah fawh theih a si. Khat lei ah kuak man a khung ih taksa a tisiat fawn.

A lungawiumzet mi cu Mirang fala pawl le miphun dang fala/nunau tamzet kuakfawp an um lai ah kan Laimi (Chin fala) kuakfawp hmuh ding an um lo tluk a si. Fala tuak ziaiziai lamzin kap ah ding tahratin kuat an cep feufeu hmuh khi zohnuam ka ti lo. Cuvek ah kan Chin, Lai fala kuat rak fawp ve ka hmuh lo tikah lungawi um zet.

Ruahnak le hmuh daan ngantu  Salai Thengre

(Visited 140 times, 1 visits today)

Comments

comments

2 Comments

  1. kanilawm kuak an zuk lo nak navan tial le atha ngai
    khaini kong fak deuh in van tial law ka duh ko
    zaitha pa
    georgia state
    atlanta

  2. a tha tuk na ca tialmi cu van kan tialpiak than law kan i lawm ko

Comments

%d bloggers like this: