Chin Common Language hi kan rak nei dah maw?

Chin Common Language hi kan rak nei dah maw?

H. Sui Lian Mang

H. Sui Lian Mang, Port Dickson

H. Sui Lian Mang, Port Dickson Ah

1. 1922, Mirang san laiah J. H. Cope cu Chin Hills ah tlawng lam tuanvo neitu bik a rak si ih Maymyo Conference ah Chin State ih zir ding mi cu Laizo tong si dingin tuh a rak bur ih nemhnget zo mi a si. Cutiin Laizo tong cu zapi zir dingah an tuah ih a hmaisabik ah Tiddim pawl in an thiam har deuh ruangah anmai tong zir dingin an dil ih J. H. Cope cun a rak on, curuangah Hakha peng lam pawl khal in mai tong zir an duh deuh ve tikah an rak dil ve ih a rak on lala. Curuangah Chin common language cu Chin State ah hmangsuak loin mai tong cio kan hmang.

2. Kawl acozah khal in radio ah Chin taingyinta bata a suah tikah Laizo tong cu hman a si ringring. Thleng ding ih diltu an um phahphah nain, Pathian in a siang lo si pei maw, Kawl acozah cun thleng an siang lo ih tu tiang Laizo tong cu Chin common language ah hman a si ringring lai.

3. Falam khua cu Mirang san ah Chin capital a rak si ih, acozah lamah phun 10 tlawng hmaisabik an rak phuannak khuapi a si. Curuangah kan Pa le pawl cathiam mifim zatein Laizo tong cu common language tlukin an thiam thluh.

4. Pathian lairel si pei maw, ZBC zung le ZTC tlawng hrangah (Falam khuapi cu a laibik ah a rak um ruangah maw,,,,) Falam khuapi ah ret a si ih Biaknak lamih kan Pa le pawl hmuahhmuah in Laizo tong cu Chin common language ah an hmang thei.

5. Chin city a simi Kalaymyo cu Chinmi kan tam vivo ih tu ah cun Kawl le Chin zatrep hrawng kan si thlang. Kalaymyo hi Chinmi hrangah a thupibik mi khualipi pakhat a si. Chin State hrangah acozah in Universities, Air-port, le sizung pipi cu Kalaymyo ah a ret ih tlangleng cawlhnak hmunpi khal ah a tuah. Kalaymyo cu Chinmi tambik umkhawmnak le Chinmi miphun koim ih kan umkhawmnak Chin city a si. Kalaymyo ih Chinmi tamnak hmun ah va feh sehla, Kawl tong hman lonak hmun ah cun, Laizo tong cu Chin common language ah hman a si thotho.

6. Chin lakah cun Laizo tong thiamtu cu an tambik thotho ding (a hmang ringring tu siloin). Chinmi pawl (tong dangdang) kan tonawk tikah Kawl tong kan hmang bik ih a pahnihnak cu Laizo tong kan hmang thotho. Ti duhmi cu Hakha le Hakha an tonawk ahcun, Hakha tong an hmang, Falam le Falam an tonawk ahcun Falam tong an hmang, Tiddim le Tiddim an tonawk ahcun Tiddim tong an hmang nain, mai tong lo thawn an tonawk ahcun kan thiamrualbik cu Laizo tong a si thotho.

7. A tongfang (hmin) hrimrim khal Lai + Zo a si ih Lai tong le Zo tong kommi a si, Lai miphun le Zo miphun komawktertu tongfang a si. Laizo tong kan ti tikah, Lai tong thawn 85% hrawng an bangaw ih Zo tong thawn khal tampi an bangaw (% ciah ka rel thei deuh lo). Cun, Chin zate ih kan hmantlang hnuah cun, Lai tong le Zo tong thawn a kalhawmi a um sile, zapi lunkimnak in a thabik in thansoter vivo ding a si. Falam khua kiangih Laizo khua tong kha 100% kan thlun ding tinak a si lo.

Himi pawl kan zoh tikah Laizo tong hi Chin common language dingah Cung Khuanu ih lairel a si pei maw, tiah ka ruat. (Keimah bulpak hrangah cun Chin tong sungin pakhatkhat hi Chin common language ah hmang sehla poi ka tinak um lo. Ka thiam lo le ka zir ding, tiah ka ruat men) Kan thuanthu ih a feh rero mi hi Chinmi zatein pom thei sehla, hmangtlang thei sehla cu Chinmi kan damzet dingah ka ruat. A umciami hman kan hman duh lo ahcun a thar tuah ding cu a harzet ding. Miphunpi kan si theinak dingah Chin common language a simi Laizo tong cu lungrualtein, kan hman tengteng a tul ko.

Chinmi pakhat ka sinak ih ka hmuhdan a si. Chinmi zate hrangah a tha ding ih ka hmuhmi a si. Keimah bulpak hrang a si lo. Chinmi zate hrangah thu reltlang uhsih!!!

(Visited 525 times, 1 visits today)

Comments

comments

8 Comments

  1. Jesus said to his disciples that to baptize in the name of the Father, the Son, and the Holy spirit. But we can see in the whole NT the former believers and disciples never used to that above name. Why? Father is not name, son and Holy Spirit too.

    Fact… The really name of the Father , Son, and the Holy Spirit is Jesus name a lone. Name above all name. Read the whole ACTS to Revelation especially.
    The Bible never emphasized the three person in one God. But only one God. Is. 44:6/Rev.1:8,22:13 and other.

    Trinity is the anti Christ doctrine.

  2. A ttha tuk ding, himi common language kan nei ngah ah cun, Pathian in in bom hram sehlaw, Laizo cu pom thluh thei sehla aw!

  3. tong pakhat nei ding cu kan si hrimhrim.. thatnak a si dingah cun can/tuar nak tla a tul pei cu..

  4. na ca tialmi te cu atha tuk nain vote in kan thlak seh nan ti ahcun

    hakha holhhi kan tam bik ko lai…falam holh zong a tha tuk ko

  5. Hrelian Chinzah says:

    Chin Hills caah cun Halkha holh hi a tha cem mi a si. Zei ca tiah cun a
    hawlh ah a laicem mi a si. Matupi,Laizo,Tidim,Hmar, Bawm,Pang, Tlanglau le Mizo hawlh vialte chuahkehnak a si ruangah a si.

  6. falam mi pawl zuam uh ahman mi par ah zuam sinsin uh ….falam tong na thiam si ah cun chin mi phun tong 99% thiam mi na si ti thei ring2aw…

  7. A lian bik cu a cak ber nih a tei te ko lai, a fa bik cu a der bik nih a tei te ko, Common Language kong ah cun mu

  8. Falam lei unau pawl , kan Lairam khualipi Bik Hakha holh hi , cawn , hman khawh viar I Tim hna uh sih , peng pi , pengli nih hman Mi holh leh thiam cang Mi holh a si , kan Lazio tlang te he hin tah chunh hlah uh sih , a hmun hma a kau tuk cang Mi hi , kan Lairam pum huap cun , kan Lairam khualipi Bik Hakha holh thiam , hman khawh dih I tim hna uh sih , tiah hi Capar in kan van in forh fial duh hna , kan peng , kan Tlang , ti Mi hi cu , a hmun HMA te kan zoh thiam ah cun , ai dawh ngai ve ko , kan Lairam huap tu ah cun , peng / Tlang tanh tuk hi , thinh hna uh sih , Lairam tlangholh Hakha khualipi holh , cawng , hmang hna uh sih .

Comments

%d bloggers like this: