Chin Christian Youth Combine Service, Melbourne ah

Melbourne, 12 August 2009

Australia, Melbourne um Laimi Nonawn pawl cun hmun khat te ih Pathian thangthat khawmnak neih thei ding tumtahnak thawn 8 August 2009 ni ah tonkhawm awknak an nei. Emmanuel Christian Church Melbourne (Youth), pawl ih hmalaknak le hoha nak in Chin mi Kohhran pariat (8) pawl cun thurel khawmnak neih a si. (Zuk: ECCM biak inn sung khawm lai)

ECCMHi an thurel khawmnakah Emmanuel Christian Church Melbourne (Youth) ECCM, Victoria Chin Baptist Church (Youth) VCBC , Lai Christian Church Melbourne (Youth) LCCM, Melbourne Burmese Christian Church (Youth) MBCC, Melbourne Chin Church (Youth) MCC, Grace Community Church (Youth)GCC , Zotung Fellowship Melbourne (Youth) ZFM ihsin palai 33 pawl in hi meeting ah thurel tlangnak an nei khawm. ‘Kan phur tlangin kan tumtahmi khal kan hlawh tlingding ti zumnak tampi ka nei’ tin ECCM(Y) hotu Pa Tling Za Thang cun CT palai a sim. Zomi pawl ih an telpi theilonak parah pawi a ti thu khal seherh zetin a sim.

‘Laimi hmuahhmuah  hmunkhat te ih Pathian thangthat tlang le pawlawk tonding cu kan thu duhsam bik a si. Hi vek ih hruaitu upa pawl kan tonkhawm awknak in ruahnak thatha a suah piih ka lungkim zet’ ti khal cun Thang Thang cun a sim bet.

An thurel tlangnak vek in 14 November 2009, zan sml 5-9 karlak ah Pathian cawimawinak neih tlangding in ruahhmannak felfai zet neih a si thu khal a sim tel. Hi Pathian cawimawi thangthat tlangnakah Kohhran le Fellowship tin in hla (3) cio saknak neih a si dingih Pathian thucah tawi Rev. David Khaw Lian Zam ih simnak a neih ding thu khal thuhla don a si.

Melbourne um Chin mi zumtu hmuahhmuah hmunkhat te ih Pathian thangthat tlangnak neih ding lawng hman silo in Australia um Chin mi zumtu zate ih khawmpi neih ding tiang khal tumtahnak an neih thu, Chin Christian Youth Combine Service Melbourne hohatu le ECCM hotu Pa Thang Thang cun a sim bet.

Melbourne ah Chin mi raltlan nak ih thleng mi 2000 lenglo tluk hrawng kan um ih, Kohhran hmun (9) ah khawmawknak neih a si.

(Visited 42 times, 1 visits today)

Comments

comments

Tags:

One Comment

  1. a tha

Comments

%d bloggers like this: