New Delhi Raltlan Pawl In Don Bosco Duhlonak Langter

Tuni 11.9.12(Tue) ni zinglam nazi 9 ihsin 11:15 tiang India khawpi ih um Chin raltlan mipi 150 hrawng cun DCCF ih hohanak in Don Bosco Ashalayam (DBA) zunghmai rori ah mipi pumkhawm in sandah an piah.

DBA cu New Delhi ih um Chin raltlan pawl bawmtu dingah Dehli UNHCR ih retmi a hnatuanpi pakhat a si. Cutawk ah raltlan tampi cu hna an tuan, tlawng an kai ih tonglet in an um. Cumi lakah Chin pawl tla 110-120 hnakih tam in hna an tuan. DBA cun department a phunphun a nei ih atu ih sandah a piahtu pawl hi a hleice in IGA timi Income Generation Activity pawl an si.

Hnipuan a phunphun in an tuah an tah an thit. Hlan ahcun DBA in IGA pawl cu an pumcawmnak dingih tawkzawn in hlawh a pek ih tukum sung ahcun an pumcawmawknak hrangih a maltuk ngaingai mi hlawh lawng an pek thlang. Cumi ruangah lungkimlonak langter in sandah an piahnak cu a si. Cumi sandahpiahnak cu DCCF in a hoha ih DCCF sungtel community zate ih hruaitu tampi, IGA ih hnatuan pawl le an inn sungsang pawlin thathozet in an tel.

IGA hnatuantu pawl hmuahhmuah cun tuni cu DBA ah hnatuan dingin zohman in an ra lo. Sandanpiahtu mipi in DBA in IGA hnatuantu pawl tlunih an thiltuahmi duhlonak langtertu dingah kutken catlang tete an thlir cio ih thawmvang um loten dai thepthep in an ding. DBA ih bawibik an pinu cu zung hmaiah a suak ih, “Ziangah hivek in nan um? UNHCR le DBA karlak ih kan thutiam le kan DBA ih policy pawl cu kan thleng thei lo a si,” tiin a ti.

Asinan Chin mipi le DCCF hruaitu pawl cun eltai zawngin siseh remrel zawngin siseh zianghman letnak an tuah lo. Cun DCCF president Pu Tin Duh in mipi hnenah thutawi simnak a nei ih mipi in lungawizet in zabengnak thawn lungkimnak an langter a si. A netnak ah mipi cun “IGA” “STOP, STOP!” le “Don Bosco” “STOP, STOP” tiin veihnih veve an au ih sandahpiannak cu an cawl a si.

Cutheh ah an zate a dai le a sa in khawmnak an nei. Cumi ahcun DCCF hruaitu, Community hruaitu, IGA hnatuantu pawl cu pakhat le pakhat thazang pekawknak, thuron pekawknak le Chin kan sinak le raltlan kan sinak pawlah thinlung ret in lungrualnak tam sinsin an nei theinak dingah tonkhawmnak reilote sung an nei ih mai inn cio ah an tlung a si.

Cun DCCF le Community hruaitu hrekkhat pawl cu hmunkhat ah meeting thurel tlangnak an nei cih in thaisun ihsin Don Bosco Ashalayam boy-cotnak cu kan thok a si tiin lungrualzet in thu an relcat tlang a si.

DCCF cun ziang ruangah DBA cu sandah a piah timi thuhla tawi an suahmi cu a hnuailam ih ta vekin a si.

REONS WHY PUBLIC RALLY AGAINST DON BOSCO IS BEING ORGANISED

1. It is very difficult to make meeting with DON BOSCO officers and staffs even if prior appointment has been made.

2. The financial aid to Refugees provided by I.G.A. is unfair in its administration processes, so, we demand justice.

3. Top-up provided to the needy Refugees working in some company was previously Rs.2000 per month, but now, it has been reduced to Rs. 1000 per month. So, we demand justice.

4. Some informations given by DON BOSCO officers and staffs to Refugees are often untrue statements, therefore, we count such response an insult to Refugees.

5. The services rendered to refugees by DON BOSCO Doctors are against humanity, so, we demand Humanity, Equality, and Impartiallity.

*Therefore, we do not require an N.G.O. interference between U.N.H.C.R. and REFUGEES.

By: DELHI CHIN COMMUNITIES FELLOWSHIP(D.C.C.F.)

CT palai cun DCCF president Pu Tin Duh le a dang pawl a tong ih IGA hnatuan hrekkhat pawl tla a kom. Cumi a hmuhtonmi pawl cu a hnuailam ah tarlang a si.

1. Hlan ahcun DBA ih IGA pawlin nikhat ah nazi 12 an tuan ih Rs. 240 an ngah. Thlakhat cun Rs. 4800 an ngah thei. Cucu pelhmiah loin tuan lawngah a si.

2. Tu ahcun nazi 8 le khuai sung lawng tuan a ngah ih nikhat ah Rs. 170 an ngah. Thlakhat cun Rs. 3400 a si. Cukhal cu pelhmiah loin tuang lawngah a si. Pelh loten tuan thei hmanah acozah zungpitni vei 2, 3 lai a um. Mai poimawh le zung feh tul pawl cu rel nawn loin.

3. IGA ahhin Chin mi 75 an tuan. Inn luahman ah Rs. 2500 hi a malbik a si. Electric bill ah Rs. 500 ihsin Rs. 1500 a si. Vai inntek pawlin an duhzat an dil theibet hrih. Cumi pawl cu thlatin cemliammi a si.

4. DBA ah tlawng a kaitu nauhak kum 16 hnuailam pawl khal nikhat ah nazi 9am-5:30pm tiang hna an tuan ter ih nikhat ah Rs. 80 an pek. An ra lo ahcun pek a si lo.

5. Top up cu thlatin Rs. 1000 an pek ih hminpek ihsin thlakhat a kim lo ahcun a mal teten an pek. Veikhat veihnih company ah na pelh tamtuk tiin a malte lawng an pek hrih. Cumi top up khal cu an duh caancaan ah DBA ah pek loin bank, Federal Bank, ah mahte feh ih lak dingin an tuah. Hnatuan pelh, lamzin fehtlungnak sumpai cem in an tuah hrih.

6. DBA ih IGA hnatuantu pawlin an hlawh an khopkham thei lo tilai ah anmah vai kala hmunphiattu pawl cun Rs. 7000 lahkha an ngah.
7. DBA in hnatuan thei lo taktak pawl bomnak dingah department vekin tuanvo laktu an ret ih an ra pan caan ah cumi officers zung hnatuan pawl cun bawm theimi kan nei lo an ti san.

8. Cun S.A. bawmnak dil dingah appointment lak hna khalah caan reipi thla tampi ngak a tul.
Himi pawl hi DBA tlunih mipi ih au aw hrekkhat lawng a si hrih. CT palai in DCCF president Pu Tin Duh thawn a ton tikah Pu Tin Duh cun, “Tuni ih kan Chin mi pawl kan lungrual vek hi ziangtik lai hmanah ka hmu dah lo, hivek in lungrual ding khalin ka zum ban lo. Hivek in kan lungrual sung poh cu nehnak cu kan ta,” ti’n a sim.

(Visited 54 times, 1 visits today)

Comments

comments

2 Comments

  1. Delhi um kan Laimi raltlan pawl uar nan va um ve. DBA par ih nan lungawi lo nak nan lan tir mi par ah Raltha leh thatho lungrual nak nan lantir a si.
    Ziang kan tuah mi theifiang ih nan din ngam nak hi dungtawlh lo leh
    beidong lo tei ding ngam vivo ding in tha ka lo pe a si.

  2. Hello Web Admin, I noticed that your On-Page SEO is is missing a few factors, for one you do not use all three H tags in your post, also I notice that you are not using bold or italics properly in your SEO optimization. On-Page SEO means more now than ever since the new Google update: Panda. No longer are backlinks and simply pinging or sending out a RSS feed the key to getting Google PageRank or Alexa Rankings, You now NEED On-Page SEO. So what is good On-Page SEO?First your keyword must appear in the title.Then it must appear in the URL.You have to optimize your keyword and make sure that it has a nice keyword density of 3-5% in your article with relevant LSI (Latent Semantic Indexing). Then you should spread all H1,H2,H3 tags in your article.Your Keyword should appear in your first paragraph and in the last sentence of the page. You should have relevant usage of Bold and italics of your keyword.There should be one internal link to a page on your blog and you should have one image with an alt tag that has your keyword….wait there’s even more Now what if i told you there was a simple WordPress plugin that does all the On-Page SEO, and automatically for you? That’s right AUTOMATICALLY, just watch this 4minute video for more information at. Seo Plugin

Comments

%d bloggers like this: