Chin Baptist Association of North America Hruaitu Thar Hril

Zuk: Chin TV Int.

Zuk: Chin TV Int.

A vei thumnak Chin Baptist Association of North America (CBNA) Board of Management lairel khawmnak cun kum 3 sung hruaitu ding pawl hrilnak an nei. May 22-24 tiang, USA ih Chin khawpi tiih an kawh mi Indianapolis ih Falam Christian Church of Indiana (FCCI) ah thurel khawmnak an nei.

Hi thurelkhawmnak ah US ramsung ih kohhran 31 pawl ihsin palai mi 223 an suak khawm thei. Zaan ah khawmnak thawn caan hman a siih, “Pathian Thlarau ih hruaimi cu Pathian fa an si” Rom 8:14 cu thupi ah hmangin Pastor pawl in zantin thuthangtha simnak an nei. Pastor ordination peknak khal an nei tiah thu kan dong.

“Tuitum kan lairelnak ih danglambiknak cu hruaitu upa pawlhrilnak kan neihnakah, thupte me (Vote) pek tul riai loin, thinlung hmu aw zet in, rinsan mi upa tiih ruah mi pawl hrilnak kan nei. A ropi ka ti” tiin Rev Sa Tin Lal cun a sim.

Zuk: Chin TV Int.

Zuk: Chin TV Int.

Hi thurel khawmnak ah Myanmar ram ihsin Rev.Lian Mang (GS, FBU), Rev.Dr.Van Ro Mawi, Principal, BTS), Dr,David THian KHan Thang, Rev.Dr.F.Thiam Uk (FBA, MC Chairman), Salai Cung Awng (Awnmawi), Salai Johan Lal Sum Lian (Awn Mawi) pawl tlain an tel pi.

A vei (3) nak CBNA, BM ah Chin ram kulh ih hnatuan danding khal an rel. ‘BTS ah Library innpi sak ding hrang tumtahnak, Falam Peng sungah Holistic Mission hnatuannak thok ding, Lailun ah tulnak dangdang ih hman theih dingmi inn sak ding, le thansonak lam pawl kan term sungih tuan suak dingin tumtahnak le ruahhmannak thar kan tuah cih’  titla in CBNA, GS cun a sim.

A vei (5) nak CBNA khawm pi hi Falam Baptist Church, Battle Creek, MI ah an nei ding. CBNA sungah USA ih um Chin mi biaknak pawlkom 32 an um.

Hruaitu Thar Pawl:

  • Chairman                             : Rev. Biak Ceu
  • Vice Chairman                   : Rev. Khaw Lian Uk
  • General Secretary           : Rev. Sa Tin Lal
  • Assistant General Secretary: Rev. Biak Lian Thang
  • Treasurer                            : Pu Phun Kar Thang
  • Assist. Treasurer              : Pu Van Lian Khup
  • Mission Director               : Rev.Ci Lian Kap
  • Culture & Literature        : Rev. Run Cung Mang
  • Youth Director                   : Rev.Dr.San No Thuan
  • Director Woman Department      : Rev. Lal Ruat Thang
  • Director Development                : Rev. Dr. Hre Mang
  • Minister Council Chairman          : Rev. Dr Biak Hlei Mang
  • Director Christian Education       : Pastor Thang Moi
Zuk: Chin TV Int.

Zuk: Chin TV Int.

Comments

comments

Comments

%d bloggers like this: