Chin Affair Minister, Pu No Than Kap Kawlram Tlung

No-Than-Kap-580x435

2013 August 30-1 September ih tuahmi, Chin Kumthar Puai ih khuallian, Chin Affair Minister, Pu No Than Kap cun, USA ramsung ah zarh thum tha a cam hnu ah September 11, 2013 ah, Kawlram lam ah tlungsal in a hnatuan a pehsal vivo ding tiin Chinland Today cun thuthang kan ngah.

CCUSA ih sawmnak vekin, Pu No Than Kap cun 2013 Chin Kum Thar Puai cu telpi dingin Kawlram ihsin USA ah a feh. Chin Kumthar Puai ah thusimnak tla neiin can a hmang ih, a thusimmi ihsin mipi an hlawktlang zet. Chin TV khalin Pu No Than Kap cu thusuhnak ( Interview ) neiin an pawlkom ih, an thusuhmi pawl khal Chin TV ah zoh theihin a um ringring.

CCUSA in kumtin an hril ringringmi “Chin Person Of The Year” lawmman khal Chin Affair Minister, Pu No Than Kap cun 2013 ih pekmi cu a ngah. Kum 2 sung a hnatuannak zoh tik ah, CCUSA cun sunloihtlak in a hmu ih, online ihsin mipi ih hrilnak khal ah vote ngah tambikin hi lawmman hi a ngah. Kawlram lak a tlun hnu khal ah, hnatuan ding tamzet Chinmi hrangah a nei ih, a liangpar ih thumaw, Chinmi thansohnak ding a khawkhanmi pawl a tuahsuak theinak dingah, Chinmi zaten a dunglam ihsin thazang petlang ding tuanvo tumpi kan nei.

 

 

Comments

comments

One Comment

  1. Pu Kap is smart and intelligent. I hope he can serve the Chin People as a whole for our bright future. God bless Pu Kap.

Comments

%d bloggers like this: