Chimp Eden

 

 

June 25 

Tlawngkai Nili

 

 

 

Siar:

Mipumsiarnak 14:1-10

 

Bawipa cu kan parih a lungawi a si ahcun Amah in in hruai dingih cawhnawi le khuaitizu in a khatmi ram cu in thlenpi dingih in pe ding. –Mipumsiarnak 14:8

 

Kumkhat Sung Baibal:

–   Job 3-4

–   Tirhthlah 7:44-60

 

Eugene Cussons in Chimpanzess zawng pawl a ruun hngai. Thawnginn hnak ih fate sawn innkhaan sungah an retmi, sa zuar sumtuah pawl ih an kaihmi zawng pawl le hramlak ih rak kaihmi zawng fate pawl cu Cussons in a khawm hngai ih Chimp Eden tiah hmin a sakmi hmun ah a thlah hngai. Hmanseh cuih zawng pawl cun Cussons cu an ttih ih an raal.

 

Cussons in, “Hih zawng pawl in mi ttha pakhat ka si ti in thei lo. Chimp Eden ah ka va thlah hngai dingih nuam sawn ih nun theinak ka pek hngai ding ti an thei lo,” a ti. Hramlak ih hei phurhnak kuang fate sungih a ret hngai tikah an tal nasa.

 

Himi thawn tahtthim in kan zoh asile Pathian in sualnak sal sinak ihsin in ruun tikah kan rak el ttheu. Pathian in Israel mi pawl Egypt sal taannak ihsin a ruun hngai tikah hmun har sungin a fehpi hngai ruangah an hrangih a tumtahnak ttha parah rinhlelhnak an nei: “Egypt ram ah kir saal sehla a ttha sawn pei maw?” tiah an ti (Mipum. 14:3).

 

Kan zumnak nun lamtluan ah vei tampi cu kan dunglam ih sual zalennak kha kan hmailam ih zumnak ruangih duhduh nun thei lonak hnakin kan duh sawn ttheu. Cutikah Pathian Ttongkam sungih in humhimnak ramri pawl cu zalennak saangbik ah in thlengtertu lamzin a si tiah kan rin ngam a ttul.

 

Sualnak in zalennak thawn in thlem,

Hmanseh a thang sungah in kai hrem;

Jesuh thawn tuammi kan si tikah,

Zalenank diktak kan hmu ding.

 

Pathian Thu ngainak cu zalennak ih tawhfung a si.

(Visited 22 times, 1 visits today)

Comments

comments

Comments

%d bloggers like this: