Chile Ah linghnin 170 A Thleng

chile-earthquake-65-santiago.nMani Tlawngkai Nilini, 13.12.12, ih thuthang pawlah Chile ram ih tipikam khawpite Navidad ah zarhnga sung lawngah hling vei 170 hnakih tam a hnin ti’n an tarlang.

Cu lak ihsin a cakbik linghnin cu 5.9 magnitude a siih, cumi laifang ih mithi vuitu pawl cu lamzin lamah an tlan. A cui khawpite ih a ummi mi 5500 pawl cu leitlun ih linghnin tuar tambiktu pawl an si.

Chile ah 8.8 magnitude cak ih linghnin cu kan dung kumhnih lai ahkhan a hnin dah zo ih cuhnak ih nasat ling a hninsal pei maw ti cu, Seismologists mithiam pawl khalin an sim thei ve lo. Cumi khawpite ih um pawl khalin linghnin a tong ringring ruangah, ling a hnin tikah ziangtin an um ding ti cu an zircia ve thluh.

Khawpite hmin a simi Navidad ih a san cu Spain tong in Christmas tinak a si. Cumi khawpite ih um pawlin an ti thei tawkin khawdang lam pawl hnakin X’mas puai ah an nuam thei cuang. Innsang tinin linghnin tuar cingin X’mas thingkung an ceimawi. Hrekkhat rawldawr neitu pawl tla cun linghnin lai khalah beer in dingin palang sungta cu no sungah an thlet. Linghnin cingin nauhak pawl cu tlawnginn ah an ca pawl an zir kelin an zir thotho. Mayor Rodrigo Soto timi nute cun, “Kan nui pumsung ihsin linghnin cingin kan suak, linghnin cingin kan ṭhanglen ih linghnin cingin nitin kan nunnak hrangah kan tawi kan vak a si ko,” ti’n a sim.

“Asinan kan dung te-ih linghnin cu mipi in an thin an phang ngaingai. Ziangahtile hi hnakih a nasami ling a hnin leh pang pei maw ti an phannak ruangah a si,” ti’n dawr ih mi thilpek hnaṭuantu kum 18 mi Karen Contreras in a sim ve. Chile ram laifang ah kan dung 2010 kum Feb thla ahkhan ling nasatak in a hnin ih minung zatel in an thi ih hleiah inn 220,000 khal a siatsuah thluh.

Navidad khawpite ih linghnin ruangah mi zohman an thi lo nain inn 200 cu a cim ṭheh. Navidad ah tsunami ralrin peknak, mipi ih thei thluh baanmi taktak cu atu tiangin a umthiam hrih lo.

Comments

comments

One Comment

  1. Raapthlak in ..Zaangfakza an si…Pathian ni a nai tuk thlang ti a fiang..

Comments

%d bloggers like this: