Chechnya Ram Parliament An Kap

Chechnya Ram Parliament An Kap

Russia ram ihsi ram peeng pakhat Chechnya ram khawpi Groziny ih Parliament Inpi cu zoti theifiang lomi misual minung 3 in meithal leh Bomb hmangin an kap ciamco ih, minung 6 an thi ih, midang 10 in hriamhma an tuar.

Interfex Agency News in a sim nakah Parliament kaptu hi minung 3 an siih, an lakih minung 2 cun thihcilh bomb an paimi tipuakin an thihcilh ih an lakih pakhatcu ralkap pawlin an kapthat tiah an sim.

Chechnya ram President, Ramzan Kadyrov cun tulai fangah cun buainak dang a thlengbet lo ih buainak hmun pawl khal Cozah ralkap leh Palik in thazetin an kilhim theizo tiah a sim. Himi buainak ruangah Russia Interior Minister, Rashid Nurgaliyev khalin Chechnya ramhi a pancih ih, Chechnya ram President, Ramzan Kadyrov leh ram hruaitu mi upa dangthawn an to tlangcih ding.

Chechnya ramah hin Russia ram thlanglam North Cancasus ih Muslim  Tapung pawlhin buainak an tuah ringringih, Curuangah Chechnya leh Russia Cozah ttangtlang in an do ciamco ih an nuai cimit thluhthlang tiih an ruah laiah Muslim  Tapung pawlhin ralthuam dangdang hmangin   buainak an tuahsuak ringring  thotho.

Toyota Company in Motor Lakir Sal Ding

Motor tuahtu Company tum leh ttha Toyota Company cun  a tuahmi Motor a zuarsuak zomi pawl Million 1 leh 5,00,000 a lak kirsal dingthu a puang. Toyota Company thu neitu pawlcun  an Motor tuahmi pawl lakah Avalon, Highlander leh Lexus pawlhi an lakkir sal dingmi pawl an si tiah an tarlang.

An lakkir sal dingmi pawlhi US ihsin 7,40,000 Japan ihsin 6.00.000 leh UK ihsin  17.000 an si ding. Himi an Motor zuarsuak zimo pwl lakir sal an tumnak sanhi a Ceet ihsin Oil putsuak thei mi a umih cumi in a Brake a siatter thei timi hmuhfiang a si ruangah a him tawklo ih ruah a si. Asinan hiti vek Oil put hnukhalah  Km 200 hrawng a tlanbet thei lai ih ttihnung tukcu a silo tiah an sim.

(Visited 35 times, 1 visits today)

Comments

comments

Comments

%d bloggers like this: