Charlie Ih Cazin

May 15

Zarhte Ni

Charlie Ih Cazin

Siar:

Saam 119:9-16

Khrih thuthangttha cu nan thinlung sungah a tlamtlinnak phunzakip thawn caam ringring seh.    -Kolose 3:16

Kumkhat Sung Baibal:

–    2 Siangpahrang 22-23

–    Johan 4:31-54

Kan dung kum May thla ah kum 87 mi Charles Hayward a thi ih a tu le fa pawl hrangah ro tthazet pakhat a taanta hngai. Anih hi India le South Africa ram ah a nupi Virginia thawn kum reipi missionary dinhmun in Pathian hnattuantu an si. A kum 73 a ti ah Pathian thutak kha a thinlung ih ciinken thienak sungah khumfek dingah Bible cang hrekkhat a hril a hril ih nitin zoh lo in a siar.

A thil tawlrelmi planning cu: “Bible a zatein zoh lo ngah dingih timtuahnak,” tiah a ko. A tefa pawl cun, “Chalie ih cazin,” tiah an ko. A thulu ah Kolose 3:16 a hril ih Thukam Hlun (OT) cabu pawl le Thukam Thar (NT) ih cabu bu khat ciar ihsin a malbik cang khat ciar le cakuat pawl ihsin bu khat ah a malbik cang khat le cuhnak ih tam a hril. Seemtirnak 15:6 ih, “Bawipa cu a zum ih a cuih zumnak cu Bawipa in dingnak ah a co sak,” timi in hram a thok ih Thuphuan 22:17 ih, “Ti a haaltu hmuahmuah in ra uh; nunnak tidai a duhtu hmuahmuah in man pek loin ra in uh,” timi in a netter.

Charles in Bible cang (239) rori zoh loin a ngah thei. Hiti ih siar thei dingin caan  a pek awk theimi in Saam cangantu ih, “Ka thinlung sungah Na Daan cu ka ret zo, Na parih ka sual lonak dingah,” (Saam 119:11) a timi i vun mangter. Charles vekin Saam cangantu khal Pathian Ttongkam ruatthuk in a nuam aw (Saam 119:15-16). Pathian thutak kan thinlung sungih khahter hnakin a ttha sawnmi ziangvek tumtahnak saw kan nei thei hrih ding.   – Cindy Hess Kasper

Pathian Ttongkam hmanhman na siar ahcun,

Na tthanglian ding ti na fiang aw ding;

Na thinlung sungah ATtongkam na thuh ahcun,

A saannak hmun ih na ton tikah na nuam aw leh ding. – Hess

Pathian Ttongkam zoh loin ngah ih siar cu

dingfelnak rah a rahmi thlaici tuh thawn a bang.

(Visited 23 times, 1 visits today)

Comments

comments

Comments

%d bloggers like this: