Champion

July 19
Tlawngkai Nili

Champion

Bible Siar Ding: 1 Samuel 17:1-9, 32-51

Cutikah David in, “Naam le fei le thal keng in do i tum. Sikhalsehla kei cu na zuammi Israel pawl ih Pathian Ziangkimtithei Bawipa ih hmin in nangmah do dingah ka ra a si,” a ti.
– 1 Samuel 17:45

Israel ralkapbur pawl in anmah dongiartu Goliath hmai ih an tuarnat daan ding khi na thinlung mitthlam ah vun suai ve hnik. Israel miphun cu Yahweh Pathian neitu miphun an si ko nain Filistine ralkap pa tawng ngamtu ding khop in mi ralttha huaisentak cu zohman an um ta lo. An hrangah Goliath do-neh theitu ding mi ralttha le cak huaisen Champion an ttul a si.

Tuukhal tlangval note pakhat cun Israel ralkapbur pi ih an tthelhmi cu a rak thei ngah tariai. Goliath ih do-ngiarnak cu Israel miphun lawng si loin “a nungmi Pathian ih ralkapbur do-ngiartu” khal an si (1 Sam. 17:36). Israel miphun ngiartu cu Israel ih biakmi Pathian ngiartu khal a si cih.

Raltthatnak thawn a khat ih tontehnak tampi a neitu Pathian ih hriakthihmi tlangval note David cu Israel hmuhsuamtu Filistine mipa Goliath do dingin a timtuah aw. Yahweh Sabaoth, Ralkap burpi hotu in a hmai ihsin ral a do sak. David in Pathian cun nehnak a pe hrimhrim ding ti a rinsan ngam a si.

Israel ralkapbur cu Yahweh ih Nehnak Thantar hnuai in an feh ko nain Ralkapbur hotu Bawipa ih huham parah rinhlelhnak thinlung an nei. Asinan Bawipa in mi pakhatkhat in rinnak thawn raldo dingih a suah ding a hngak hrih. Bawipa in David cu a minung pawl ai-awh in Amai’ hmin ih ruangah raldonak ah cahnak thawn a do a si.

Yahweh Sabaoth, Na hmin sunlawinak hrangah Na cahnak huham thawn rung cangvai aw, tuni ah rinnak thawn ke ka kar a si.

Ka mittih mi pawl ka hmuh daan thlenghtu dingah Yahweh Sabaoth Pathian neitu ka sinak cu ziangti’n so ka theih thei ding?

@ Ava Pennington

(Visited 20 times, 1 visits today)

Comments

comments

Comments

%d bloggers like this: