Mai Certe Kan Lungawi Pi Nak

Ram harsatnak lawngsiloin fimthiamnak zir thei lo ih thangthar nonawn siarcawklo ram kip ih kan vahvaihnak ah Mai Certe hi sersiamtu Cung Pathian thlawsuah co hleicein, a thlennak ram USA South Forsyth High School ( Atlanta Georgia) ah phun (12) tluangten’ a thehsuak theinak parah kan lungawi pinak kan langter.

Kan CT palai thawn an komawknak ahcun Kawlram zirnak le ram cangkang US ih zirnak a tanawk daanziapawl cipciar zetin a sim. Hi, a tlawngkainak South Forsyth High School ah hin kan Chinmi amah lawng a zir. “Zir thok  ahcun tong le zirmi ca lam ah ka buai zet nan, caan a herliam vivo tikah harsa tuk loin ka thlun thei thlang” tiah a sim.

“Cui hleiah fimthiamnak le damnak famkim tulsammi i petu Cung Pathian sunlawinak ding hrangah ka fimthiamnak pawl ka hmang duh ih, culawnghmansiloin kan Chin mipi hrangah ka tuah theimi pawl tla cu, theitawpsuah in tuan ka tum” tiah a sim tel bet.

“Tlawng thate kai suak ih miphun hrang ih theitawp suah ih hnatuan hi ka tumtahmi pawl lakih thupibik an si”

Mai Certe

South Forsyth High School tlawngta thawngkhat le zathum hnak ih tam pawl hmai ahcun Mai Ignes Lian Cer Sin (Certe) in kum reipi harsatnak phunkim pahtlang ih a zirmi phun-hleihnih upatnak capi cu 1 June 2010 ah a dawng. A rei hlan ah a ke in Collège tualrawn a pal thlang ding thu kan palai hnen ihsin kan dawng bet.

“Tlawng thate kai suak ih miphun hrang ih theitawp suah ih hnatuan hi ka tumtahmi pawl lakih thupibik a si” tiah a sim. Asim vivonak ahcun damlo zohtu nurse hnatuannak thawn kan mipi hrangah ka theitawkin ka tuan lai ding timi hin ka thinlung a luah khat ringring” tiah a sim bet.

A rualpipawl hnen ah zirnak ih thupitzia le caan hmanthiam a tuldaanziapawl a sim hai theu. Sunlawihnak capi a dawn zaan ah sungkua thlacam khawmnak le rawl kil tlangkhawmnak an nei ih, a nu le pa hnen ah a lungawinak thu khal a sim tiah kan palai hnen ihsin thu kan dawng bet.

Mai Certe hi Pu Ngun Thawm Thang le Pi Siang Men ih fanu nautabik a si. A tu ah an sungzaten Atlanta Georgia, USA ah lungawi soparten’ an um.

(Visited 85 times, 1 visits today)

Comments

comments

8 Comments

  1. Hivek ih Chinmi cathian kan nei cu.., Kan van tha hleice!

  2. Dear Certe,

    Ahmaisain, congrats!
    Na zuamnak parah le kalbak pakhat na bak thei nak parah ka lo lungawipi tuk.
    Zuam sinsin aw.

    Na tumtahcia bang in kan Chin mipi lawngsiloin leitlun mipi tamsawn bawm theitu ah cang hram aw.

    College kai nuam. India ih college kai ai cun khalam cu a nuam sawn ding ka zum.
    College life, na hmanthiam ding khal ka lo duhsak bet.

    Ukte
    Vahvaihnak
    New Delhi

  3. Dear Certe,

    Ka lo lungawipi tuk maw.
    Zuam sinsin aw.

    Duhsakna thawn,

    Liante

  4. Congrat Certe !

    Asina’n,

    Chinland Today pawl nan out thei tuk lawmlam. US pumpi ah Phun 12 a theh suak tu ziangzat lenglo an um tu kum ah kan mah Laimi (falam) sungin. Ziangah a mah ce lawng nan tar lang? Indiana state in Falam mi tampi an ong, Michigan in tla an tam tuk, Cun Maryland lam in tla an tam pi. Ziangah Atlanta sung ih sin hman a mah laawng?

    Nan thuthang ca ih a san sau ter nan duh ih mi ih siar nuam nan duh le cu zate huap ih thil tuah thiam uh.

    Nan ruahnak hi a fiak tuk!

    Duhsaknak thawn,
    Joe Mang,
    Malaysia.

  5. Dear Certe,
    Kan lo Lungawi pi zet. Pathian in na tumtah mi lo thlawsuah hram seh!
    Na Pa in ziang Lak sawng a lo pek? Lai Tlangval tha ngah tum teng2 aw maw. Miphun dang cu ti lo ten….HeHehehehehhehehe……Capoh

  6. Certe

    kan Biak Pathanin harsat nak phun phun lak ah hivek dinhmun tiang alo thlen ter cu kalo lung awi pi tuk,

    Pathain in lo thluah suah vivo seh

    Nanu Eng
    Singapore

  7. Hei…Certe

    Kan lo lungawipi.

    Tang sinsin aw.

  8. na t tha nasa Certe, na ton ding mi pawl cu ka lo theih thiam pi zet. Kan Chin miphun than soh nakah cun FIMNAK kan tul bik thil dang hnakin. Caathiam pakhat kan pung lala c mei. asi naan…

    Joe Mang ih a t mi khi ka lung kim ve zet. Chinland today pawlin USA ih kan Falam mi phun sang tlawng ta um zat an rak thei lo c ding. College/University tlawng ta an um cu an rak thei lo law2 a bang. High School theh cu thah cawk lo an um naan c..he..he… c naan nan t tha thotho zuam sinsin ko uh

Comments

%d bloggers like this: