Cemnak Nei Lo

October 8
Tlawngkai Nikhat

Cemnak Nei Lo

Bible Siar Ding: Job 36:24-33

Pathian ih maksak zia cu kan thei kim dah lo;
Pathian ih kum khal siar cawk rual a si lo.
– Job 36:26

Cin le ri a neimi kan minung thluak khuaruahnak (mind) cu cin le ri a nei lomi thuhla pawl thawn pehpar aw in a buai deuh ringring. Mi tthenkhat in tlawng cazirnak ih Mathematics sungih subject pakhat a simi Geomentry zirlai ih “pi” [pai tiih awsuah] ih man (value) hawl daan thu kha nan vun mang ruangro men ding! Pi (pai) cu rinkual hlum (circle) pakhat ih le a kauhlam (diameter) thawn ratio hawlmi number a si. Cumi cu number 3.14159 in a thok ih a cem thei dah lomi number a peh vingvo. Kanantinchia thiamzet pawl in an ttuat vingvo tikah a number cu trillion tiang a thleng nain cemnak a nei dah cuang lo, asinan cucing cun Mathematicians pawl cun an zuam rero thotho.

Cin le ri a neimi kan milai khuaruah theinak thluak hin cemnak a nei lomi Pathian ih sinak, a mizia thei ngah le kai ngah dingin a zuam ciamco ttheu. Cat baang loin kan zuam rero. Pathian ih sinak le mizia cu a nasabikmi ttongfang pawl hmangin langter kan zuam ih A mizia langter thei ding kan ruahsan. Pathian ih sinak le mizia langter theinak dingah theologian pawl in an hmanmi ttongfang pawl cu: omnipotent – ziangkim ti thei; omniscient – ziangkim thei thei; omnipresent – ziangtik lai caan khalah hmuntin ih um thei, timi pawl an si. Amah hnakih cungcuang le saangsawn zohman an um nawn lo timi fiang deuh ih langternak ah “Cungnungbik Pathian (the Most High God)” kan ti. Cucing in cuih hminsakmi pawl khal in kan Pathian ih mizia le sinak (Attributes of God) taktak hliakhlainak ding ahcun a hramthoknak lawng an si hrih lai.

Pathian ih a cem thei lomi sinak cun mangbangza ruah dingmi Jesuh Khrih kha milai pianzia in leilung ah a rung suahter. Lei le van ih cemnak nei lo Pathian cu Amahte ri a khiah aw ih Amah ih lungtho te’n cin le ri a neimi milai ruangpum nei in pum a pe aw. Khuaruahharza a si sinsinmi cu Cuih a thiltuahmi cu kanmai’ hrangah a si, curuangah Amah thawn kumkhua timi kan ttawm awk theinak cu a si.

Bawipa, Cemnak a nei lomi Na duhdawtnak sungah nuam aw thei dingin cemnak a nei lomi Na sinak ka theih thei lo ruangah ka lungawi.

Tuih zarhkar sungih ka nunnak ah Pathian in cemnak a nei lomi A sinak cu ziangvek in a phuanglang aw?

@Pennington

(Visited 29 times, 1 visits today)

Comments

comments

Comments

%d bloggers like this: