CDMA 800 Internet Dil(Sioh) Siangsal

Myanmarnewshub, Popular Myanmar News Journal | Febuary 4

CDMA 800 MHZ Phawn pawl Internet dil(Sioh) sal a theih thu kawlram Pehtlaihnak (Set-Tuai-Zi) lam ttuanvo neitu pakhat in a sim.

January ni 3 ni ihsin an siang thawkmi a si. Yangon, Mandalay, Naypitaw khawpi pathum ah dil(sioh) theih a si. Ziangzat ti cu bikhiah a um hrih lo, pektheih dinhmun tiang cu pek ding a si ti’n a sim bet. Hivekih Internet dil(sioh) a theih salnak cu a vawithumnak a si ih pek dingzat reet khal danglamnak um lo a hlan vekin 30000 Kyat a si ding ti’n Pehtlaihnak (Set-Tuai-Zi) lamih sin theih a si.

Internet dil(sioh) theih lawng si lo in Phawn line tla lei a theih sal. Phawn pawl cu Pehtlaihnak(Set- Tuai-Zi) ih a bur hnatuan rerotu bulpak Company ah nitin lei a theih ti’n a tlun lam ih simtu a sim bet. Cuvek ih bulpak Company pawlih zuar theinak a pek tikah (Myanmah Set-Tuai-Zi) ih dil(sioh) vek reet in Phawn Card khal Tingnga le Internet hmang ding asile Tingthum in hmangsiang a si ding ti’n simtu cun a sim.

Phone Card cu a dangten zuar a si lo ding, Internet thawn bun tlangmi Phawn pawl lawng zuar a si ding. A man cu pehtlaihnak (Set-Tuai-Zi) lamih thusuahnak vek in Phawn le Internet cu Tingnga le thawng sawmthum ih zuar a si ti’n “Elite Tech Company” ih ttuanvo neitu pakhat in a sim. CDMA 800 MHZ Phawn pawl cu 2010 kum thawk lam in zuarthawk a si ih Internet hman theinak cu 2011 January thla ih sin hmansian a si. Internet hmang theinak cu 2010 June thla ihsin cawlhter a si ih hmantheisalnak cu Agust thla ah siannak pek a si sal. A vawihnihnak dil(sioh) theinak cu 2011 November thla ah cawlhter a si thu Kawlram Pehtlaihnak (Set-Tuai-Zi) lam ttuanvo neitupawl hnen in theih a si.

(Visited 82 times, 1 visits today)

Comments

comments

Comments

%d bloggers like this: