CBANA Hohanak in Khrihtian Nauhak Zirlaibu Suahnak Le Zirhtu Pawl Thuzirhnak Nei

Training Kaitu Bur Zuk

Training Kaitu Bur Zuk

Chin Baptist Association, North America ih hohanakin Sunday School Teacher pawl cu Bethel Chin Baptist Church, Indiana ah, January 29-31, 2016 tiang Pathian thu zirkhawmnak an neiih kohhran dangdang ihsin zirhtu saya mi 127 in a cemtiang an zir suak. Nauhak zirlai cabu khal an tuahsuak tiin thu don a si.

Pastor Thang Moi, CBANA, Christian Education Department, Secretary cun hi mi thuthawn pehpar in, a facebook ah hitin a tarlang ‘Sunday School Zirlai Cabu, suah thei dingih lam in hruaitu a cak kan Pathian a hmin ka thangthat a si.’ tiin le tawlreltu pawl hnenah lungawi thusimnak le lawmnak ca khal a tarlang.

CBANA lairelnak ihsin mino thangthat hlabu, nauhak zirlai cabu pawl hi suah dingih reltluk mi a si. Nauhak zirlai bu pawl tawlrel suak theinak dingah Rev.Dr.Thian Nun Piang sawm in Consultation khal Chin Baptist Church Huston ,TX ah an tuah tithu khal a tarlang tel.

A vei khatnak hrang ih tuah mi, hi zirlai cabu pawl hi thlaruk sungih tuahfel theh mi a si ruangah, duhthu sam lo zetnak khal tampi a umding titla in Pastor Thang Moi cun a rel ih, hi zirlai cabu ihsin nu le pa pawl in fanau pawl hnenah Pathian thu tamsin an fah theinak a si ding khal a duhthusam a si thu a tarlang.

Khrihtian nauhak zirlai bu hrang ih tawlreltu pawl cu; Primary – Sayamah Thawng Nei Kim (Naw Eh Phaw), Intermediate – Sayamah Joy Debbie Lyan, Junior – Sayamah Deborah Sui Khin Mawi, Senior – Saya Billy Lal Thlen Lian, Rev. Dr. Thian Nun Piang, Rev. Mangh Kheng BiakCeu pawl tla an si. Rev. Johseph Run Cung Mang in cala rem/zoh felnak a nei. Cabu namsaktu –  Salai Ma Ram (Salai Mitthli), A kawm zuk nganzuktu – Salai Zuunphur pawl an si.

CBANA sungtel Kawhhran (33) sungah (27) ihsin mi 127 an tel.#

(Visited 300 times, 1 visits today)

Comments

comments

Comments

%d bloggers like this: