CBANA Hohanak In Falam Bible AW Thawn Thun Thluh Ding

Chin Baptist Association, North America (CBANA) pawl ih hohanak in Falam Bible OT a zaten AW ih khum ding an tum. September thla ihsin Aw pawl thunthok ding tumtahnak an neiih 2018 ah ṭhehfel thei ding an tum.

Faith Comes By Hearing (FCBH) pawl ih hohanak in Falam Bible NT, Thuthlung Thar hi Aw an rak thun dah zo. Asinan FCBH pawl in sumpai lam ih bawmnak an tlinnawn lo ruangah CBANA thawn ṭuantlang in Bible hi a zatenten thun thluh an tum sal mi a si.

CBANA in hi Bible Aw ih thunding mi hrangah $30000 lenglo cem dingin ruahmannak an nei. USA hrambun in tuahtum a siih Aw thuntu ding hrang mi 20 lenglo le a cek feltu dingah mi 10 pawl in September thla ihsin an thok ding.

“2018 kum cem hlan ah theh thei dingin timtuahnak neih a si. Himi tuahnak dingah hin Myanmar Bible Society le FCBH le CBANA kan tuan tlang a si ding. CBANA in a cemmi Budget a tuah ding ih a tuan suak ding. Mipi pawl in an kut zaphak ih kaihmi rori ihsin Bible pawl an ngai theinak ding ruahsannak tumpi a si.” tin Rev Sa Tin Lal, CBANA Gen Secretary cun Chinland Today Media hnenah a sim.

Tui an thun dingmi Falam Bible cu Dr. Hre Kio ih let mi a si ding. Aw thawn an thunṭheh theih ahcun Myanmar ram sungih Bible Aw thawn thunṭheh hmaisabik an si ding.#

Comments

comments

Comments

%d bloggers like this: